بىلتىر قازاقستاندا 12 لاڭكەستىك اكسيانىڭ الدى الىندى
بۇل تۋرالى بۇگىن ۇكىمەت وتىرىسىنان سوڭ تىلشىلەرگە بەرگەن سۇحباتىندا ۇلتتىق قاۋىپسىزدىك كوميتەتى ءتوراعاسىنىڭ ورىنباسارى نۇرعالي بىلىسبەكوۆ ءمالىم ەتتى.
«2016-جىلى قازاقستان اۋماعىندا جوسپارلانعان 12 لاڭكەستىك جانە زورلىق-زومبىلىق اكسيانىڭ الدى الىندى. ءاربىر اكسيا جونىندە بريفينگتەردە جەكە-جەكە توقتالعان بولاتىنبىز. وسى باعىتتا جۇمىستاردى جالعاستىرىپ جاتىرمىز. وكىنىشكە قاراي، قايعىلى وقيعالار قازاقستاندا دا ورىن الدى، ودان ءبىز ماڭىزدى ساباق الدىق»، - دەدى نۇرعالي بىلىسبەكوۆ.
ۇ ق ك باسشىسىنىڭ ورىنباسارىنىڭ حابارلاۋىنشا، مەملەكەت باسشىسىنىڭ تاپسىرماسىمەن، قاۋىپسىزدىك كەڭەسىنىڭ شەشىمىمەن 2017-2020-جىلدارعا ارنالعان تەرروريزممەن كۇرەس مەملەكەتتىك باعدارلاماسى جاسالۋدا.
«جۋىردا ۇكىمەتتە تانىستىرىلادى. سول كەزدە مەن باعدارلاما تۋرالى تولىق ايتىپ بەرە الامىن. ونىڭ قاعيدالارى، ەكسترەميزم مەن تەرروريزمگە قارسى كۇرەس شارالارى مەن تەتىكتەرى جايلى بايانداپ بەرەمىن»، - دەدى ول.
