00:05, 25 - ناۋرىز 2017 | GMT +5
ءۇندىستاندا 12 جاسار بالا اكە اتاندى
استانا. قازاقپارات - ءۇندىستاننىڭ كەرال شتاتىندا 12 جاسار بالا وڭىردەگى ەڭ جاس اكە اتاندى دەپ حابارلايدى Indian Express مالىمەتىنە سىلتەمە جاساعان «قامشى» پورتالى.
كەرالدىق تۇرعىننىڭ ءسابيى 2016-جىلى كوچچي قالاسىندا دۇنيەگە كەلگەن. سول كەزدىڭ وزىندە 17 جاستاعى انا ءسابيىنىڭ اكەسى وسى بالا ەكەندىگىن مالىمدەگەن بولاتىن. پوليتسيا قىزمەتكەرى دجاياكريشناننىڭ ايتۋىنشا، د ن ق ساراپتاماسىنىڭ قورىتىندىسى اناسىنىڭ ءسوزىن راستاپ شىققان.
جاس ءوسپىرىمنىڭ ۇستىنەن ءسابيدىڭ اناسى ارىز جازىپ، كەرالدىق تۇرعىن جاس قىزعا زورلىق كورسەتتى دەگەن ايىپپەن قاماۋعا الىنعان بولاتىن، كەيىننەن ونى كەپىلمەن بوساتقان. بەلگىلى بولعانداي، ءسابيدىڭ اتا-اناسى ءبىر-بىرىمەن تۋىس جانە كورشى تۇرادى ەكەن.
2013-جىلى جاڭا زەلانديا تۇرعىنى 11 جاسىندا اكە اتانعاندىعى جايلى حابارلانعان بولاتىن. سونىمەن قاتار، سوڭعى جىلدارى 12 جاسىندا اكە اتانعاندار الەم بويىنشا كوپ كەزدەسەدى، ونىڭ ىشىندە رەسەيلىك تۇرعىندار دا بار.
