كولىك پوليتسەيلەرى جىل باسىنان 12 مىڭ ادامدى اكىمشىلىك جاۋاپقا تارتتى
دەپارتامەنت باسشىسىنىڭ ورىنباسارى پوليتسيا پولكوۆنيگى تالعات وتەتىلەۋوۆتىڭ ايتۋىنشا، 2017-جىلدىڭ باسىنان بەرى دەپارتامەنت پەن ونىڭ بولىنىستەرىنىڭ قىزمەتكەرلەرى 12030 قۇقىق بۇزۋشىنى اكىمشىلىك جاۋاپكەرشىلىككە تارتتى.
«سونىڭ ىشىندە «ءنول توزىمدىلىك» قاعيداتى بويىنشا - 3951، ۇساق قۇقىق بۇزۋشىلىق جاساعانى ءۇشىن - 357، قوعامدىق ورىندارعا ماس كۇيدە كەلگەنى ءۇشىن - 1482، تەمەكى شەگۋگە تىيىم سالۋدى بۇزعانى ءۇشىن - 1109، تاۋلىكتىڭ تۇنگى ۋاقىتتارىندا بالالاردىڭ ۇلكەندەردىڭ ىلەسىپ ءجۇرۋىنسىز بولعانى ءۇشىن - 79، بەلگىلەنبەگەن ورىنداردا ساۋدا جاساعانى ءۇشىن - 770، قوعامدىق ورىنداردا ادامداردىڭ مازاسىن الۋ بويىنشا - 154، سونىڭ ىشىندە - 88 تاكسي جۇرگىزۋشىسى جاۋاپكەرشىلىككە تارتىلدى»- دەدى ت. وتەتىلەۋوۆ.
كامەلەتكە تولماعانداردى بەيىمدەۋ ورتالىعىنا 41 جاس ءوسپىرىم ورنالاستىرىلدى. سونداي-اق، اتالعان مەرزىمدە ەلىمىزدىڭ كولىك پوليتسەيلەرى تۇراقتى مەكەن جايى مەن قۇجاتتارى جوق 152 ادامدى قابىلداپ-تاراتۋ ورىندارىنا، 162 ادامدى مەديتسينالىق ايىقتىرعىشقا، 262 ادامدى اكىمشىلىك تۇتقىندالعاندارعا ارنالعان ارنايى قابىلداۋ ورىندارىنا ورنالاستىردى.
ايتا كەتەيىك، ناۋرىز مەيرامى قارساڭىندا 19-24- ناۋرىز ارالىعىندا ەلىمىزدىڭ تەمىرجول ۆوكزالدارى مەن اۋەجايلاردا، جولاۋشىلار پويىزدارىندا قۇقىقتىق ءتارتىپ پەن قاۋىپسىزدىكتى قامتاماسىز ەتۋ ماقساتىندا كولىكتەگى ءى ءى د جەكە قۇرامى كۇشەيتىلگەن جۇمىس تارتىبىنە كوشەدى.
