قازاقستان رەسەيگە 12 ميلليارد تەكشە مەتر گاز جەتكىزەدى

دەپ حابارلايدى «قازاقپارات» ح ا ا ءتىلشىسى.
«قازترانس گاز» باسپا ءسوز قىزمەتىنىڭ حابارلاۋىنشا، «گازپروم» مەن «قازترانس گاز» جىل سايىن ەكسپورتتالاتىن گاز كولەمىن ارتتىرۋدا. رەسەيگە جىلىنا 12,8 ميلليارد كولەمدە گاز ەكسپورتتاۋ تۋرالى ۋاعدالاستىقتىڭ وتاندىق گاز سالاسى ءۇشىن ستراتەگيالىق ماڭىزى بار.
بۇرىن قول جەتكىزگەن قازاقستان مەن رەسەي اراسىنداعى ۇكىمەتارالىق كەلىسىمدەردى جۇزەگە اسىرۋ ماقساتىندا «قازمۇنايگاز» ۇ ك ا ق جانە «گازپروم» ج ا ق ءداستۇرلى تۇردە بىرىككەن كونسۋلتاتسيالار وتكىزىپ تۇرادى جانە ۇزاق مەرزىمدى كەزەڭگە ىنتىماقتاستىقتىڭ نەگىزگى باعدارىن انىقتايدى.
بۇگىندە گاز بويىنشا ۇلتتىق وپەراتورعا اينالعان قازترانسگاز تاۋارلىق گازداعى ىشكى قاجەتتىلىكتى تولىق وتەپ، ەكسپورتتىق الەۋەتتى ارتتىرۋدا جانە وتاندىق گازترانسپورتتىق ينفراقۇرىلىمدى دامىتۋدا.