ءۇيسىز قايىرشىعا قۇنى 12 مىڭ دوللار تۇراتىن مونەتا تاستاعان

استانا. قازاقپارات - ۇلى بريتانيانىڭ ەكسەتەر قالاسىندا بەلگىسىز ادام ءۇيسىز قايىرشىعا كوللەكسيالىق 50 پەنس تاستاعان.

ونىڭ قۇنى 10 مىڭ فۋنت (12 مىڭ دوللارداي) تۇراتىن بولىپ شىقتى، دەپ حابارلايدى Metro.

قوياننىڭ بەينەسى بار بۇل ەرەكشە مونەتانى كورگەن سوڭ ەر ادام بىردەن پوليتسەيلەردەن ونىڭ قانشا تۇراتىنىن ءبىلىپ بەرۋىن سۇراعان. ساقشىلار سمارتفوننىڭ كومەگىمەن ءجۇزشاقتى عانا كوللەكسيالىق مونەتانىڭ ءبىرى ەكەندىگىن انىقتاعان. ولار 2016 -جىلى تانىمال بالالار جازۋشىسى بەاتريس پوتتەردىڭ 150 جىلدىعىنا وراي شىعارىلعان بولىپ شىقتى.

7 قىرلى مونەتادا پوتتەردىڭ ەرتەگىلەرىنىڭ ءبىرىنىڭ كەيىپكەرى - پيتەر ەسىمدى قويان، ۋحتي- تۋحتي جانە دجونني ءتيىن بەينەلەنگەن.

العاش شىعارىلعان كەزدە مونەتالاردىڭ قۇنى 55 فۋنت (60 دوللارداي) بولعان.