وتكەن جىلى ەرەكشە قايرىمدىلىق جاساعان 12 ادام
ولارعا باسپانا مەن كولىك سىيلادى. Stan.kz وتكەن جىلى قازاقستاندىقتاردىڭ ءومىرىن جاقسى ارناعا بۇرعان ادامداردىڭ يگى ىستەرىن ەسكە الۋدى ءجون كورىپ وتىر.
1. ماقپال يسابەكوۆا ءوزىنىڭ ينستاگرام پاراقشاسىن 1500000 تەڭگەگە ساتىپ، اقشانى تولىقتاي ءبىر اياعىنان ايىرىلعان اسەل قۇسايىنوۆاعا تابىستادى. بويجەتكەن الماتى- تالدىقورعان تراسساسىندا بولعان جول اپاتى سالدارىنان اياعىنان ايىرىلعان ەدى. ونىڭ دەنساۋلىعى سىر بەرە باستاعاندىقتان، دارىگەرلەر اياعىنىڭ كەسىلۋى مۇمكىن ەكەنىن ايتىپ جاتىر. مۇنداي جاعدايدا 29 جاستاعى بويجەتكەن پروتەزبەن دە جۇرە الماي قالۋى مۇمكىن. العاش رەت اياعىن كەسكەن كەزدە، اسەلدى كۇيەۋ جىگىتى تاستاپ كەتكەن ەكەن. ال ءانشىنىڭ پاراقشاسى نەبارى 10 ساعاتتىڭ ىشىندە ساتىلىپ كەتكەن. ونى استانالىق بويجەتكەن يەلەنگەن ەكەن.
2. «قازاقستان داۋىسى» جوباسىنىڭ جەڭىمپازى اتانعان مۇراتبەك حايرولدا وزىنە بەرىلگەن 5 ميلليون تەڭگەنى قايىرىمدىلىققا جۇمساپ، بالالار ۇيىنە تاراتىپ بەردى. ول «قازاقستان داۋىسى» جوباسىندا نۇرلان الباننىڭ شاكىرتە رەتىندە ونەر كورسەتىپ، جەڭىمپاز اتانعان بولاتىن. «اماندىق بولسا 5 ميلليون تەڭگەنى قولىما تيگەننەن- اق كومەك قورلارىنا بەرۋدى، وپەراتسياعا كىرەتىن بالالارعا، جەتىمدەر ۇيىنە كومەكتەسۋدى نيەت ەتىپ وتىرمىن. سەبەبى، ءار ازامات قازاقتىڭ قامقورلىققا مۇقتاج بالالارىنا كومەك قولىن سوزاتىن بولسا، سول كومەكتەن بالالار باقىتقا كەنەلسە، مۇنداي ءىستىڭ ساۋابى كەز كەلگەن جەڭىمپازدىق اتاقتان الدە قايدا ارتىق. اللانىڭ بەرگەن وسىنداي باقىتىنا كىشكەنە بولسا دا وزگەلەرگە كومەگىم ارقىلى راحمەتىمدى، شۇكىرىمدى ايتقىم كەلەدى»، - دەيدى مۇراتبەك.
3. شىمكەنتتىك اجە تۇرمىسى تومەن بالالاردى وقۋعا ءتۇسىرىپ قايىرىمدىلىقپەن اينالىسادى. باستاپقىدا دۋسيا نۇرماشيەۆانىڭ ۇلى №3 بالالار ۇيىنە قايىرىمدىلىق كومەك كورسەتكەن. بالالار ۇيىنە ميكرواۆتوبۋس، عيماراتقا قوسالقى بولمە الىپ بەرگەن. ۇل بالالاردى سۇندەتكە وتىرعىزىپ، ۇلكەن توي جاساپ بەرگەن. وسىدان كەيىن دۋسيا اجەيدىڭ ءوزى قايىرىمدىلىقپەن اينالىسا باستاعان. ەندى «بوبەكتەر ۇيىنە» جاردەم بەرۋدى باستاماق.
4. زاتتىبەك ەسىك الدىنداعى دۇكەنىنەن نامازحانا جاساپ، ونى كورشىلەرىنە تارتۋ ەتكەن بولاتىن. جۋىردا ءانشى جەتىمدەر ۇيىندە قوناقتا بولىپ، ولارعا تەگىن كونتسەرت قويىپ بەردى. مۇنىمەن قاتار، 400 دەي بالاعا ارنالعان مول داستارحان جايعان- دى.
5. ەسىمىن جاسىرعان ازامات مۇگەدەك ەرلى- زايىپتىعا 7 بولمەلى ءۇي مەن كولىك سىيلادى. ەرلى- زايىپتىلار وسىعان دەيىن قىزىلوردا قالاسىنىڭ شەتىندە 3 بولمەلى جايسىز ۇيدە تۇرىپ كەلگەن. وتاعاسى جومارت جاننىڭ باسپانادان بولەك تاعى دا سىي جاساعانىن ايتادى. قىزىلوردا قالالىق اكىمدىگى بۇل وتباسىنىڭ جاعدايىمەن تانىس بولسا دا، ءۇيدى كەزەكسىز بەرە المايتىندارىن ايتقان. ال، باسپانا ماسەلەسىن قايىرىمدىلىقپەن شەشىپ بەرگەن جومارت جان ەسىمىن كوپكە جاريالاۋدى ءجون كورمەدى.
6. شىعىس قازاقستاندىق اۋىر ناۋقاس بالاعا يانا رۋدكوۆسكايا مەن كۋبالىق ميلليونەرلەر قول ۇشىن سوزدى. ءبىر جاستاعى سەمەيلىك بوگدان فەديننىڭ باسىندا قىزىق جاعداي ورىن الدى. ءسابيدىڭ اتا- اناسى مەن ەرىكتىلەر ونىڭ اۋرۋىن ەمدەۋ ءۇشىن قاجەتتى قاراجات ىزدەگەن. ال ونىڭ ەمىنە تولەنەتىن اقشانى كۋبادا ءومىر سۇرەتىن اۋقاتتى ادامدار مەن رەسەيلىك پروديۋسەر يانا رۋدكوۆسكايا ءوز موينىنا الىپتى.
7. قاراعاندىلىق ناۋقاس قىزعا كومەكتەسۋ ءۇشىن قازاقستاننىڭ 10 قالاسىن ارالاعان زاڭگەر جاسۇلان سەيسەنحانوۆ بوتەن ادامداردىڭ بالاسىنىڭ ەمىنە اقشا جيناۋ ءۇشىن قازاقستان قالالارىن ارالاپ ءجۇر. جاسۇلان دەنەسىنەن ىسىك تابىلعان ەكى جاسار ادەمى قۋانىشبەكتىڭ تاعدىرىنا بەي- جاي قاراي الماعانىن ايتادى. جىگىت قايىرىمدىلىق ماقساتتا اۆتو جارىم ۇيىمداستىرۋدى ءجون كورىپتى.
«دوستارىمنىڭ ءبىرى WhatsApp ارقىلى كىشكەنە ءبۇلدىرشىننىڭ ءومىرى قىل ۇستىندە تۇرعانىن ايتتى. وقيعانى وقىعان سوڭ، ەكى كۇن بويى ۇيىقتاي دا، تاماق تا ىشە المادىم»، - دەيدى زاڭگەر. وڭتۇستىك كورەيادا ەم الىپ جاتقان ادەمىگە وتا جاساۋ ءۇشىن جالپى 400000 دوللار قاجەت ەكەن. جاسۇلاننىڭ ازىرگە بۇل وتباسىعا قانشا سوما اۋدارعانى بەلگىسىز. دەسە دە ول قايىرىمدىلىق شارالارىن جالعاستىرا بەرمەك.
8. استانا قالاسىنىڭ تۇرعىنى ءوزىنىڭ ءۇيىن 280 جانۋارعا بەردى. بۇل جاڭالىق استانا قالاسىنان ءۇي الا الماي جۇرگەندەر ءۇشىن تاڭقالدىرارلىق جاڭالىق بولاتىن شىعار. الايدا كوتتەدج يەسى باقتىگۇل جۇمابەكوۆا ءوزىنىڭ بۇل ارەكەتىنەن ەش ابەستىك كورمەيتىنىن ايتادى. ول ءومىر بويى كوشە جانۋارلارىنا ارناپ ءۇي سالعىسى كەلگەن ەكەن. ەندى مىنە اراعا ءبىراز ۋاقىت سالىپ ونىڭ ارمانى ورىندالدى. قازىر بۇل ۇيدە 200 دەن استام جانۋار تۇرادى. نەگىزىنەن يتتەر مەن مىسىقتار تۇراتىن ۇيدە تۇلكى دە بار. كۇندەلىكتى بۇل ۇيگە 30-40 مىسىق الىپ كەلەدى ەكەن. باقتىگۇل ادەتتە تەك ولاردىڭ 2-3- ءىن عانا اسىراپ الا الاتىنىن ايتىپ جاتىر. جوعارىدا اتالعان تۇلكى زووباقتا مايمىلعا شابۋىل جاساعان ەكەن. وسىعان وراي، حايۋاناتتار باعىنىڭ يەسى ونى باقتىگۇلگە بەرۋدى ءجون كورگەن.
9. اعىمداعى جىلى «قايىرىمدى جاندار» ەرىكتىلەر توبى 100 جالعىزباستى قارتتى مەيرامحاناعا قوناق ەتتى. اتالعان تويعا الەمدى شارلاپ، عالامتور جۇلدىزىنا اينالعان لەنا توقسانبايەۆا دا كەلدى. تويعا وڭىردەگى قارتتار ءۇيىنىڭ وتىز تۇرعىنى ارنايى شاقىرىلعان. قالعان 70 جالعىزباستى اتا مەن اجەيدى ەرىكتىلەر وزدەرى ىزدەپ، ىرىكتەگەن ەكەن. ولارعا ارناپ قالاداعى جاڭا توي سارايىندا داستارحان جايعان. شارانى ايدىن توقسانبايەۆا باستاعان «قايىرىمدى جاندار» ەرىكتىلەر توبى ۇيىمداستىردى. ەستەرىڭىزدە بولسا، 80 جاستاعى لەنا توقسانبايەۆا وسى ۋاقىتقا دەيىن لوندون، تايلاند، يسپانيا جانە چەحيا سىندى مەملەكەتتەرگە ساياحاتتاعان- دى. الداعى ۋاقىتتا ا ق ش پەن تۇركياعا ساياحاتتايتىنىن ايتىپ جاتىر.
10. ۆاسيلي ليەۆيت دەنەسىنەن ىسىك تابىلعان بۇلدىرشىنگە توسىن سىي جاسادى. ريودا وتكەن وليمپيادا ويىندارىنىڭ كۇمىس جۇلدەگەرى ۆاسيلي ليەۆيت استانا قالاسىندا دەنەسىنەن ىسىك تابىلعان بالامەن كەزدەستى. 10 جاسار ءالينابيدىڭ ۆاسيلي ليەۆيتپەن كەزدەسۋدى ارمانداعان ەكەن. كلۋبتىڭ ۆولونتەرلەرى ونىڭ بۇل ارمانى تۋرالى بوكسشىعا ايتقان. ليەۆيت ءوز كەزەگىندە بىردەن كەلىسىمىن بەرگەن. بوكسشى بالاعا ءوزىنىڭ قولعابىن سىيلاعان. مۇنىمەن قاتار، قولعابىنا قولتاڭباسىن قويىپ بەرگەن. ول الينابيگە جاڭا جىلعا سىيلىق جاسايتىنىن ايتتى.
9. رامزان قادىروۆ اۋىر حالدە جاتقان قازاقستاندىق ءبۇلدىرشىننىڭ ءومىرىن قۇتقارىپ قالدى. شەشەنستان پرەزيدەنتى رامزان قادىروۆ قازاقستاندىق ناۋقاس قىزدىڭ شوتىنا 10500 دوللار اۋداردى. ەمىنە دە وسى سوما قاجەت بولعان ەكەن. ەكىباستۇزدىق ەليفكە ءۇش بىردەي دياگنوز قويىلعان- دى: گيدروتسەفاليا، سكاليوز جانە مي جۇلىنىنىڭ جارىعى. قۋانىشتى حاباردا ەليفتىڭ اناسى الەۋمەتتىك جەلى ارقىلى ءبولىستى. «سالەمەتسىزدەرمە، ءبىزدىڭ قۇرمەتتى سيقىرشىلارىمىز! اللاعا شۇكىر! بىرنەشە مينۋت بۇرىن رامزان قادىروۆ ەليفتىڭ شوتىنا 10500$ اۋداردى. باقىتتان باسىم اينالىپ تۇرعانى سونشالىق، ايتارعا ءسوز تاپپاي تۇرمىن. قۇرمەتتى رامزان احمات ۇلى! سىزگە انالىق راحمەتىمدى ايتامىن! كوزىمنەن قۋانىشتىڭ كوز جاسى اعىپ جاتىر. جاراتۋشى اللانىڭ وڭ نازارىندا بولىڭىز»، - دەپ جازادى ول. مۇنىمەن قاتار، ول از ۋاقىت ىشىندە وزگە ادامداردان دا اقشا تۇسكەنىن ايتتى.
10. قاراعاندىلىق ءوزىنىڭ ەمىنە جينالعان 5,5 ميلليون تەڭگەنى قايىرىمدىلىققا جۇمساپ جىبەردى. ەكى جىلدان استام ۋاقىت بويى قاراعاندى مەن قازاقستاننىڭ وزگە قالالارىنىڭ تۇرعىنى 26 جاستاعى نياز سۇنديتاليەۆتىڭ ەمىنە ارناپ اقشا جيناعان. ارتىنشا نياز شوتىنا كەلىپ تۇسكەن 5,5 ميلليون تەڭگەنى قايىرىمدىلىق قورىنا اۋدارىپ جىبەردى. ازامات كوپ قاباتتى ۇيدەن قۇلاپ كەتىپ، توسەككە تاڭىلعان بولاتىن. الايدا ول اقشا ومىرلەرى قىل ۇستىندە جاتقان ادامدارعا كوبىرەك قاجەت دەپ شەشكەن ەكەن. "بۇل اقشا مەنىڭ ەمىمە جينالدى. ءبىراق مەن اۋرۋىمنىڭ قاتتى اسقىنىپ كەتپەگەنىن جاقسى تۇسىنەمىن. ءبىز اقىلداسا كەلە وسىنداي شەشىمگە كەلدىك»، - دەيدى ول. وسىلايشا نيازدىڭ قالاۋىمەن، جينالعان سوما اۋرۋمەن كۇرەسىپ جاتقان ءبىر جاسار قىزدىڭ شوتىنا اۋدارىلدى.
11. ەسىمىن جاسىرعان ازامات ماڭعىستاۋ ينفەكتسيالىق اۋرۋحاناسىنا 2,5 ميلليون تەڭگە اۋداردى. اقتاۋلىق مەتسەنات ماڭعىستاۋ اۋرۋحاناسىنا ارناپ قۇنى 2,5 ميلليون تەڭگە بولاتىن 20 كوپ قىزمەتتى توسەك ساتىپ الىپ بەرگەن. بۇل توسەكتەر بىردەن ورالدى رەگيدراتاتسيا پالاتاسىنا قويىلدى. مەتسەنات بۇنىڭ الدىندا ءدال وسىنداي 10 توسەك الىپ بەرگەن- ءدى. "جاس جىگىت كىشكەنە بالالارعا نە الىپ بەرۋگە بولاتىندىعى تۋرالى سۇرادى. قاجەتتى قۇرىلعىلار تىم قىمبات بولاتىن. مەن كوپ قىزمەتتى توسەكتىڭ قاجەت ەكەنىن ايتتىم. ولار ءارتۇرلى اۋرۋعا شالدىققان 3-13 جاس ارالىعىنداعى بالالارعا ارنالعان. اۋرۋحانا ۇجىمى جىگىتكە شەكسىز العىسىن ءبىلدىرىپ جاتىر"، - دەيدى باس دارىگەر سارا ەرمۇحانوۆا.
12.كەڭەس راقىشيەۆ 2,5 ميلليون دوللارىن قايىرىمدىلىققا جۇمسادى. الماتىدا قازاقستانداعى العاشقى دزيۋدو اكادەمياسى اشىلدى. اكادەميا دزيۋدو فەدەراتسياسىنا جانە قازكوممەرتسبانكتىڭ ديرەكتورلار كەڭەسىنىڭ باسشىسى كەڭەس راقىشيەۆتىڭ قاراجاتىنا سالىندى. جاتتىعۋ ورتالىعى بالالارعا تەگىن قىزمەت كورسەتپەك. راقىشيەۆ اعىمداعى جىلدىڭ مامىر ايىندا اكادەميا كىلتىن دزيۋدودان الەم چەمپيونى ايبولات ىستىبايەۆقا تابىستاعان- دى. اكادەميانىڭ تۇرعىزىلۋىنا جالپى 2,5 ملن تەڭگە كەتكەن ەكەن. قالا اكىمى باۋىرجان بايبەك تە وعان العىس ايتقان- دى. دزيۋدو اكادەمياسى كاركەن احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ- ينتەرنات كوللەدجىنىڭ تەرريتورياسىندا ورنالاسقان.
