بۇل وتباسىنداعى ادامداردىڭ ءارقايسىسىنىڭ 12 ساۋساعى بار - فوتو

بۇل تۋرالى metro.co.uk باسىلىمى حابارلايدى.

«مۇنى جاراتۋشىنىڭ سىيى دەپ بىلەمىن. بەكەردەن بەكەر ءبىزدىڭ ءارقايسىمىزدىڭ 12 ساۋساعىمىز بولۋى مۇمكىن ەمەس. بالكىم قۇداي بىزگە ءبىر نارسە ايتپاق بولعان بولار»، - دەيدى سيتبيا چۋدحاري. وتباسىندا جالپى 25 ادام بار. ولار ءۇندىستاننىڭ بيحار ايماعىندا تۇرىپ جاتىر.

الايدا بۇل بويجەتكەننىڭ اعاسى مۇلدەم باسقاشا ويلايدى. وعان كەرىسىنشە ساۋساعىنىڭ كوپ بولعانى ۇنامايدى ەكەن. «اكەم مەن اتامدا 24 ساۋساقتان بار. قارىنداسىمىز ەكەۋىمىزدە دە ءدال وسىلاي. وسىنىڭ سالدارىنان ءبىزدىڭ بالا-شاعامىز جاپا شەگىپ جاتىر. ارتىق ساۋساق ماعان ەش كەدەرگى جاسامايدى.

الايدا بالالارىم مەن نەمەرەلەرىم وزدەرىن جايسىز سەزىنەدى. كەي جىگىت پەن قىز ساۋساق سانىنا بولا مەنىڭ بالالارىممەن كوڭىل جاراستىرۋدان باس تارتقان بولاتىن»، - دەيدى 50 جاستاعى كريشنا چۋدحاري.

وتباسى مۇشەلەرى، اسىرەسە، اياق كيىم ساتىپ الاتىن كەزدە قاتتى قينالادى ەكەن. كەيبىرەۋىندە پوليداكتيليا دەپ اتالاتىن اۋرۋ بار. «ارينە، فيزيكالىق تۇرعىدان ارتىق ساۋساققا بولا ولاردا قوسىمشا قيىندىقتار بولادى. ءبىراق، ولار پسيحولوگيالىق تۇرعىدان ون ەسە قاتتى قينالادى»، - دەيدى دەرماتولوگ ايش گۋپتا. ارتىق ساۋساقتى وتانىڭ كومەگىمەن الدىرىپ تاستاۋعا بولادى. الايدا وتانىڭ قۇنى تىم قىمبات.