سوت 12 جاسار قىزدى زاڭسىز قارۋ ساقتاعانى ءۇشىن ايىپتادى

بۇل تۋرالى سارسەنبى كۇنى CTV تەلەارناسى حابارلادى. ءتارتىپ ساقشىلارى توعىز ادامدى قولعا ءتۇسىردى. ولاردىڭ ىشىندە 12 جانە 16 جاستاعى قىزدار جانە ەكى 16 جاسار، سونداي-اق 17 جاستاعى جاس ءوسپىرىم بار.

كانادالىق زاڭعا سايكەس، ولار كامەلەتتىك جاسقا تولماعاندىقتان اتى-ءجونى ايتىلمايدى. سولارمەن بىرگە 18 جاسار ابدۋللاحي حاسسان، 24 جاسار نيكول براند جانە 39 جاستاعى ايەل دە تۇتقىنعا الىندى.

پوليتسيا بۇلارعا زاڭسىز قارۋ، وق-ءدارى ساقتاعانى، سونىمەن قاتار قارۋلاردىڭ سەريالىق نومىرلەرىن وشىرگەندىگى ءۇشىن، جالپى العاندا 111-ايىپ تاعىپ وتىر. تاركىلەنگەن قارۋلاردىڭ اراسىندا ەكى تاپانشا-پۋلەمەت بار. قازىر پوليتسيا بۇل ۇيدە سونشاما قارۋ نە ءۇشىن، قانداي ماقساتپەن ساقتالعاندىعىن جانە ۇستالعانداردىڭ ءبىر-بىرىمەن قانداي قارىم-قاتىناستا بولعاندىعىن تەكسەرۋدە.