قازاقستاندىق 12 جاسار شاحماتشىعا رەسەيدەن پاتەر بەرىلدى
جاس سپورتشىنىڭ وتباسى ەكى بولمەلى پاتەردىڭ كىلتىن ەنشىلەدى.
سۋ جاڭا پاتەردىڭ كىلتىن سپورتشىعا ايماقتى ۋاقىتشا باسقارىپ جۇرگەن دميتري ۆولوشين تابىستادى. 12 جاسار جەتكىنشەكتىڭ الەم چەمپيونى اتانعانىن ايتقان ول وتىرىستى ءبيبىسارانىڭ جەتىستىگىنەن باستادى، دەپ حابارلادى Chess-news.
ايتا كەتەيىك، قازاقستان سپورتشىسىن رەسەيگە سول ەلدەگى شاحمات فەدەراتسيالارىنىڭ ەڭ بەلسەندى پرەزيدەنتتەرىنىڭ ءبىرى سەرگەي نەستەروۆ شاقىرعان. ماسكەۋ وبلىسىنىڭ شاحمات فەدەراتسياسىنا وتكەن جاس تالانتتار تۇرعىن-ۇيمەن قامتىلىپ قانا قويماي، دۆوركوۆيچتىڭ قوناق ۇيىندە تەگىن جاتتىعا الادى. ال جاس سپورتشىعا سىيعا تارتىلعان پاتەر جاڭادان تۇرعىزىلعان كوپ قاباتتى ۇيلەردىڭ بىرىندە ورنالاسقان.
ەستەرىڭىزگە سالا كەتەيىك، جۋىردا باتۋميدە بالالار اراسىندا شاحماتتان وتكەن چەمپيوناتتا 12 جاسقا دەيىنگى قىزدار اراسىندا ءبيبىسارا اساۋبايەۆا جەڭىسكە جەتسە، 8 جاسقا دەيىنگى قىزدار اراسىندا ەلىمىزدىڭ اتىنان ونەر كورسەتكەن ايشا زاكيروۆا التىن ەنشىلەدى.
