قازاقستان جۋرناليستەرىنە 12 ەلدى تەگىن ارالاۋ مۇمكىندىگى تۋىپ تۇر

 بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا «حالىق ماركاسى» تاۋارلارىنىڭ ساپاسىن باقىلايتىن فەدەراتسيا پرەزيدەنتى ريمما تاجىبايەۆا ءمالىم ەتتى.

«كەلەسى جىلدىڭ اقپان- ناۋرىز ايلارىندا «قازاقستاندا جاسالعان - حالىق ماركاسى» كورمەسىن ۇيىمداستىرۋ جوسپارلانعان. استانادا ۇيىمداستىرعان «حالىق ماركاسى» اتتى پاۆيلوندا ۇزدىك دەپ تانىلعان ونىمدەر وسى حالىقارالىق كورمەگە قاتىسادى. كورمە اياسىندا رەسەي، گرۋزيا، ارمەنيا، ازەربايجان، ۋكراينا، تايلاند، مىسىر، قىتاي، تۇركيا، ب ا ءا، ينديا ەلدەرىن ارالاۋدى جوسپارلاپ وتىرمىز. ال، «سامعاۋ» كونكۋرسى اياسىندا جەلتوقسان ايىندا جەتى نوميناتسيا بويىنشا 14 وبلىس پەن 2 قالادان ماراپاتتالعان جۋرناليستەر بىزبەن بىرگە وسى 12 ەلدى تەگىن ارالايدى»، - دەپ حابارلادى ريمما تاجىبايەۆا.

 قازىر «سامعاۋ» كونكۋرسىنا قازاقستاننىڭ ءوڭىر- وڭىرىنەن 70 ادام ءوتىنىش بىلدىرگەن. سونىڭ ىشىندە جەتى ادام - شەتەلدىك ب ا ق وكىلى. بۇرىن حابارلاعانىمىزداي، كونكۋرس جەڭىمپازدارى اتالىمدار بويىنشا 25 باعالى سىيلىققا يە بولادى. باس جۇلدە - قازاقستاندا قۇراستىرىلعان كولىك.

 باس رەداكتورلار كلۋبىنىڭ ءتورايىمى بيبىگۇل جەكسەنبايدىڭ ايتۋىنشا، بايقاۋدى ەلىمىزدەگى بەلگىلى قوعام قايراتكەرلەرى باعالايدى.

اۆتور: كەنجەكەي توقتامۇرات قىزى