قازاقستاندا جىل سايىن 12 مىڭ توننا تەڭىز بالىقتارى اۋلانباي قالادى
دەپ حابارلايدى «قازاقپارات».
«سالانىڭ دامۋىن تەجەپ وتىرعان پروبلەمالاردىڭ ءبىرى تەڭىزدە بالىق اۋلاۋمەن بايلانىستى بولىپ وتىر. 12 مىڭ تونناعا جۋىق تەڭىز بالىقتارى تۇرلەرىن اۋلاۋ ليميتى جىل سايىن پايدالانىلمايدى. سەبەپ - تەڭىز بالىق اۋلاۋ فلوتىنىڭ جەتكىلىكتى دارەجەدە دامىماۋى. كاسىپكەرلەر ديزەل وتىنىن ساتىپ الۋعا كوپ شىعىنداناتىندىقتارىنا شاعىمدانادى. سونىمەن بىرگە تىركەۋ پورتىنا كىرىپ- شىعۋ قيىنداتىپ جىبەرىلگەن»، - دەدى نىسانبايەۆ.
ونىڭ ايتۋىنشا، جاڭا بالىق اۋلاۋ فلوتى قىمباتتىلىعىنا جانە تەڭىز فلوتى ءبىلىمى بار وتاندىق مامانداردىڭ بولماۋى سالدارىنان ساتىپ الىنباي وتىر. ال، تەڭىزدە بالىق اۋلاۋ ليميتىن تولىق يگەرۋ ءۇشىن 4,4 ميلليارد تەڭگەگە جۋىق ينۆەستيتسيا قاجەت.
«وسى باعىتتا مەملەكەتتىك- جەكە ارىپتەستىكتى دامىتۋدى جوسپارلاپ وتىرمىز»، - دەدى نىسانبايەۆ.
ايتا كەتەيىك، ءماجىلىستىڭ اگرارلىق ماسەلەلەر كوميتەتىندە ەلىمىزدەگى بالىق شارۋاشىلىعىنىڭ جاعدايى جانە دامۋ ماسەلەلەرى تالقىلانۋدا.
اۆتور: مارلان جيەمباي
