قىرعىزستان تۋريستەر بارۋعا «مىندەتتى» 12 ەلدىڭ قاتارىنا ەندى

استانا. قازاقپارات - بريتاندىق The Independent گازەتى قىرعىزستاندى ءاربىر ساياحاتشى بارۋعا ءتيىستى 12 ەلدىڭ قاتارىنا ەنگىزدى.

بۇل رەيتينگتى ايگىلى ساياحاتشى گۋننار گارفورس جاساعان دەپ حابارلايدى ورتالىق ازيانىڭ جاڭالىقتار قىزمەتى.

40 جاستاعى ازامات الەمنىڭ شامامەن بارلىق ەلدەرىندە بولعان. گارفورس ەڭ قاتتى ۇناعان ەلدى اتاۋعا قينالادى، ءبىراق ول ءاربىر ساياحاتتاۋشى بارۋعا ءتيىستى 12 ەلدىڭ اتىن اتاي الادى.

ساياحاتتاۋشىنىڭ پىكىرىنشە، قىرعىزستاننىڭ تابيعاتى سۇلۋ، حالقى - قوناقجاي، ال بازارلارىنان بارلىق نارسەنى تابۋعا بولادى. گارفورس ساياحاتشىلارعا بۇل ەلگە ستاقان الىپ بارۋعا كەڭەس بەرەدى، ويتكەنى «قىرعىزستان اراعى وتە كۇشتى».

ەسكە سالايىق، 2015-جىلى تاعى ءبىر بريتاندىق The Telegraph گازەتى قىرعىزستاندى ساياحاتشىلار بارۋعا ءتيىستى 12 ەلدىڭ قاتارىنا قوسقان ەدى.
nur.kz