10:52, 12 - قىركۇيەك 2016 | GMT +5
اجەسى مەن اتاسىنا بارۋ ءۇشىن 12 جاسار بالا جۇك ماشيناسىن ايداپ كەتتى
استانا. قازاقپارات - ساكسونيادا ەكى بالا 200 شاقىرىم جەردە تۇراتىن اجەسى مەن اتاسىنا بارۋ ءۇشىن اكە-شەشەسىنىڭ جۇك ماشيناسىن ايداپ كەتكەن.
ال ۇيلەرىنەن بالاسىن جانە ونىڭ دوسىن تاپپاعان اتا-انالارى دەرەۋ پوليتسياعا حابارلاسۋعا ءماجبۇر بولعان.
قۇقىق قورعاۋ ورگاندارىنىڭ قىزمەتكەرلەرى شۇعىل ىزدەۋ سالىپ، بالالاردى تۋىستارىنىڭ ۇيىنەن تاپتى.
انىقتالعانداي، ەرلى-زايىپتىلاردىڭ ۇلى مەن دوسى جۇك كولىگىنە ءمىنىپ، باۆاريادا تۇراتىن اجەى مەن اتاسىنا تارتىپ كەتكەن. ولارعا تۋىستارىنا جەتۋى ءۇشىن حەمنيتس قالاسىنان 200 شاقىرىم جەردى ەڭسەرۋ كەرەك ەدى.
ابىروي بولعاندا، جوعالعان بالالار اجەلەرى مەن اتالارىنىڭ ۇيىنەن تابىلدى. ولار 200 شاقىرىم جەردى ەشقانداي وقيعاعا ۇرىنباي ءجۇرىپ وتكەن، دەپ حابارلايدى piter.tv.
