استرونومدار 12 جىلدان كەيىن جەرشارى تۇتاس قۇرلىقتى جويا الاتىن ۇلكەن استەرويدپەن سوقتىعىسادى دەپ بولجاۋدا
بۇل تۋرالى امەريكاندىق استرونومدار حابارلادى، ءبىراق قاي قۇرلىق ەكەنىن ايتپادى، دەپ حابارلايدى روسبالت.
1997 XF 11 عارىش وبەكتىسىنىڭ ديامەترى 2,5 شاقىرىم. قازىر ول جەردەن 25 ميلليون شاقىرىم قاشىقتىقتا. استەرويد 2028 -جىلى جەرگە جاقىنداپ، ۇلكەن اپات ورىن الۋى مۇمكىن.
ءدال قازىر عالىمدار بۇل تۋرالى نىق سەنىممەن ايتا الماي وتىر. ال NASA عالىمدارى كەزدەيسوق سوقتىعىستى بولدىرماۋ تاسىلدەرىن ىزدەپ، ماسەلەنى مۇقيات زەرتتەۋدە.
ەرتەرەكتە باسپا ءسوز بەتتەرىندە بريتان عالىمدارى الداعى 5 جىلدا بولۋى مۇمكىن الەمدىك اپاتتاردىڭ ستسەنارييىن قۇرعانى ايتىلعان ەدى. وندا زەرتتەۋشىلەر جەر بەتىنىڭ كەم دەگەندە 750 ميلليون حالقىنا قاۋىپ توندىرەتىن وقيعالاردى جازعان.
ولاردىڭ ويىنشا، ءىرى استەرويدتىڭ قۇلاۋى نەمەسە جانارتاۋدىڭ اتقىلاۋى سەكىلدى تابيعي اپاتتار ادامزات ءۇشىن ۇلكەن ءقاۋىپ توندىرەدى. جانە ايتىلعان قاۋىپتەردىڭ ءبىر دە بىرەۋىنە ادامزات قارسى تۇرا المايدى.
كومپيۋتەرلىك مودەلدەۋ كومەگىمەن عالىمدار استەرويد ديامەترىنىڭ 1 شاقىرىمىنىڭ ءوزى ورتاشا ەۋروپا ەلىنىڭ حالقىن جويىپ جىبەرەتىنىن انىقتاعان.
ودان بولەك، بولۋ مۇمكىن اپاتتاردىڭ العاشقى ۇشتىگىنە سينتەتيكادان شىعاتىن وتە ءقاۋىپتى ۆيرۋستار ەنگەن. ودان كەيىن عالىمدار سالدارى بارىنە بەلگىلى يادرولىق سوعىس بولادى دەپ بولجاۋدا. ال ءۇشىنشى ورىندا - ماشينالار كوتەرىلىسىنە اكەپ سوعاتىن جاساندى ينتەللەكت قۇراستىرۋ تۇر.