20:34, 06 - ماۋسىم 2016 | GMT +5
الماتى وبلىسى كوكتال- اراسان اۋىلىندا 12 اۋلالىق ۋچاسكەنى سۋ باستى
تالدىقورعان. قازاقپارات - 5 -ماۋسىمدا كەشكە الماتى وبلىسىندا نوسەر جاڭبىر جاۋىپ، بۋراقوجىر جانە وسەك وزەندەرى ارناسىنان اسىپ كەتتى، دەپ حابارلادى قازسەلدەن قورعاۋ م م.
سۋ تاسقىنى كوكتال- اراسان اۋىلىنداعى 16 اۋلا تەلىمىنىڭ 12 سىن باسىپ قالىپ، شارۋاشىلىق، مال قورا- جايلار، باۋ- باقشالارعا زالال كەلتىرىلدى.
سۋ تاسقىنى سالدارىنان جەرگىلىكتى ماڭىزى بار جول جابىلدى. اۋليەاعاش اۋىلىنداعى بۋراقوجىر وزەنى ارقىلى وتەتىن كوپىردى شايىپ كەتتى.
ادامدار ەۆاكۋاتسيالاندى. جاعداي باقىلاۋدا.
