07:43, 31 - مامىر 2016 | GMT +5
بريتاندىق ازامات ءبىر تاۋلىكتە 12 ەلگە بارىپ شىقتى
استانا. قازاقپارات - يوركشير گرافتىعىنىڭ تۇرعىنى ادام لەيتون 24 ساعاتتا بارعان ەلدەر سانى بويىنشا رەكورد ورناتتى.
25 -مامىردا ول تاڭەرتەڭگى 7 دە گەرمانيادان شىعىپ، جولاي ليۋكسەمبۋرگ، فرانسيا، بەلگيا، گوللانديا، دانيا، شۆەتسيا، پولشا، چەحيا، سلوۆاكيا، ۆەنگريادا بولىپ، ساپارىن اۆستريادا اياقتادى. بۇل تۋرالى Daily mail باسىلىمى جازادى.
ءبىر تاۋلىك ىشىندە تۋريست ۆارشاۆادان براتيسلاۆقا باراتىن پويىزدا ەكى ساعات قانا كوز شىرىمىن العان. سوڭعى 12 مەملەكەتكە ۇلگەرۋى ءۇشىن وعان شەكارانى جاياۋ كەسىپ وتۋگە تۋرا كەلگەن.
39 جاستاعى ءۇش بالانىڭ اكەسى وسى ساپارىن قاڭتار ايىنان بەرى جوسپارلاعان.
بۇعان دەيىنگى وسىنداي الەمدىك رەكورد 1993 -جىلى ورناتىلعان، سول جولى ساياحاتشى ءبىر تاۋلىكتە 11 مەملەكەتكە بارىپ ۇلگەرگەن.
