08:03, 24 - مامىر 2016 | GMT +5
شىمكەنتتە جوعالعان 12 جاستاعى بالنۇر ناسىر ءتىرى كۇيىندە تابىلدى
استانا. قازاقپارات - 12 جاسار قىزدىڭ اناسى جەرگىلىكتى پوليتسياعا حابارلاسىپ، جەكسەنبى كۇنى قىزىنىڭ ءىز-ءتۇسسىز جوعالعانىن حابارلاعان ەدىك.
قىزى ۇيىنەن شىعىپ كەتىپ، سول كۇيى ورالماپتى.
بۇعان دەيىن 12 جاسار بالنۇردىڭ جوعالعانىن حابارلاعان ەدىك. ەندى پوليتسەيلەر ونىڭ قالاي تابىلعانىن ايتىپ بەردى.
«بۇگىن، 23 -مامىر كۇنى ناسىر بالنۇردى ءنۇرسات ىقشاماۋدانىنان بالالار كورىپ قالىپتى. وقۋشىلار ونىڭ مۇعالىمىنە حابارلاسىپ، مۇعالىمى بالنۇردى مەكتەپكە الىپ كەلگەن. وسىدان سوڭ پوليتسياعا حابار بەردى»، - دەپ حابارلايدى پوليتسياداعىلار.
قازىرگى ۋاقىتتا 12 جاستاعى قىزبەن پسيحولوگتار جۇمىس ىستەپ جاتىر. بارلىق قاجەتتى تەكسەرىستەن وتكەننەن كەيىن قىز بالا اتا- اناسىنا جىبەرىلەتىن بولادى.
Stan.kz
