دوپپەن جاسالاتىن جاتتىعۋلار: 12 مينۋتتىق توپتاما

استانا. قازاقپارات - ۇيىڭىزدە اەروبيكامەن اينالىسۋعا ارنالعان فيتبول دوبى بولسا، ول بەكەر جاتپاسىن.

ەگەر جوق بولسا، ساتىپ الۋ ارتىقتىق ەتپەيدى. ويتكەنى فيتبولمەن جاتتىعۋ بۇلشىقەتتەرىڭىزدى قاتايتىپ، ناتيجەگە تەز قول جەتكىزەدى.

تومەندەگى جاتتىعۋلار توپتاماسىن جاساۋ ءۇشىن بار بولعانى 12 مينۋت ۋاقىت قاجەت. وزىڭىزگە كوڭىل ءبولىپ، سىمباتىڭىزدى ارتتىرىڭىز. الدا جاعاجاي ماۋسىمى كەلە جاتقانىن ەسكەرسەك، بۇل جاتتىعۋلاردىڭ سىزگە تيگىزەر كومەگى كوپ بولماق.

بۇل جاتتىعۋلار توپتاماسىن اپتاسىنا 3 رەت قايتالاپ وتىرۋ كەرەك. ءبىر ايعا جەتەر- جەتپەس ۋاقىتتا ناتيجەسىنە قۋاناتىن بولاسىز. جاتتىعۋلاردى باستاماس بۇرىن دەنەنى قىزدىرىپ الۋ كەرەك. فيتنەس- دوپتارىمەن جاتتىعۋ جاساۋ ارىقتاۋ ءۇشىن عانا ەمەس، سوزىلعان تەرىنى قالپىنا كەلتىرۋگە دە كوپ كومەك بولادى. سونىمەن قاتار ومىرتقا مەن قيمىل- قوزعالىس ءۇشىن دە جاقسى اسەر ەتەدى.

كەز كەلگەن بوي مەن سالماقتى ەرەسەكتەر ءۇشىن فيتبول دوبىنىڭ ەڭ وڭتايلى ولشەمى (ديامەترى) - 75 س م.

 جامباستى كوتەرۋ

بۇل جاتتىعۋ بىردەن بىرنەشە بۇلشىق ەتتىڭ قوزعالىسقا تۇسۋىنە اسەر ەتەدى. ونىڭ ىشىندە جامباس بۇلشىق ەتتەرىمەن قاتار، ارقا، اياق، پرەسس، بوكسە بۇلشىق ەتتەرى دە بار.

شالقاڭىزدان جاتىپ، اياعىڭىزدى جوعارى كوتەرىپ، تىزەنى بۇگىڭكىرەپ، تابانىڭىزدى دوپقا تىرەڭىز (سۋرەتتەگىدەي) . ال الاقانىڭىزدى اشىپ، ەدەنگە قويىڭىز. يىعىڭىز بەن باسىڭىزدى دا ەدەننەن كوتەرمەي، تىك ۇستاڭىز. ودان كەيىن قايتا اياعىڭىزدى سوزىپ، دوپتى ىلگەرى يتەرىڭىز. وسىلايشا 10 رەت قايتالاڭىز.

اياقتى كوتەرۋ

 

بۇل - پرەسس ءۇشىن تاپتىرماس جاتتىعۋ. شالقاڭىزدان جاتىپ، ەكى اياعىڭىزدىڭ اراسىنا دوپتى قىسىپ ۇستاڭىز. تىزەڭىزدى بۇكپەي، دوپتى قىسىپ تۇرىپ، اياعىڭىزدى جوعارى تىك كوتەرىڭىز (90 گرادۋس جاساپ). ودان كەيىن اياقتى سوزىپ، ەدەنگە قويىڭىز. بۇنى 12 رەت قايتالاۋ كەرەك.

 پرەسپەن جۇمىس ىستەۋ

فيتبولمەن پرەسكە ارنالعان كەۋدەنى كوتەرۋ، ەكى جاققا بۇرىلۋ سياقتى بارلىق جاتتىعۋلاردى جاساۋعا بولادى. بۇل جاتتىعۋلاردى فيتبولمەن جاساۋدىڭ ارتىقشىلىعى - دوپتىڭ ۇستىندە تەپە- تەڭدىكتى ۇستاپ تۇرۋعا تىرىسۋدىڭ ءوزى قاراپايىم جاتتىعۋدىڭ تيىمدىلىگىن ارتتىرا تۇسەدى. سوندىقتان دا دوپپەن جاسالاتىن جاتتىعۋلار ارىقتاۋعا وتە پايدالى.

 

سوزىلۋ

بۇل جاتتىعۋلار توپتاماسىن سوزىلۋمەن اياقتاڭىز. دوپتىڭ ۇستىنە جاتىپ، دەنەڭىزدى سوزا، ارى- بەرى تەربەلە قوزعالىڭىز. ارقاڭىز سىزگە العىسىن ايتادى!

اۋدارعان: قۇرالاي مۇرات قىزى

دەرەككوز: www.cosmo.ru