10:42, 31 - قاڭتار 2016 | GMT +5
قىتايدىڭ بۇرىنعى ۆيتسە-مەرى 12 ميلليون دوللار كولەمىندە پارا العانى ءۇشىن ايىپتالدى
استانا. قازاقپارات - قىتايلىق گۋاڭجوۋ قالاسىنىڭ بۇرىنعى ۆيتسە-مەرى ساۋ جيانلياۋ 80 ميلليونعا جۋىق يۋان (12 ميلليونعا جۋىق ا ق ش دوللارى) سوماسىندا پارا العانى ءۇشىن ايىپتالىپ وتىر، دەپ حابارلايدى «گۋاڭجوۋ رىباۋ» گازەتى.
شەنەۋنىككە قاتىستى تەرگەۋ امالدارى 2013 -جىلدىڭ سوڭىندا باستالعان. ساۋ جيانلياۋ قىزمەتىن 2007 -جىلدان بەرى اتقارعان. ول سوت الدىندا شىنجىن قالاسىندا جاۋاپ بەردى.
ەلدە سىبايلاس جەمقورلىققا قارسى ءىرى كولەمدەگى ناۋقان 2012 -جىلى بيلىك باسىنا ق ح ر ءتوراعاسى شي جينپيڭنىڭ كەلۋىمەن باستالدى. قىتاي جەمقورلىققا قارسى ىنتىماقتاستىقتىڭ جاھاندىق جەلىسىن قۇرۋعا تالپىنىپ، قىلمىستىق ىستەردە حالىقارالىق قۇقىقتىق كومەككە قاتىستى زاڭنامالىق اكتىلەردى شىعارۋ ماسەلەسىن قاراستىرادى.
قازىرگى كەزدە رەسمي بەيجىڭ شەتەلدىك مەملەكەتتەرمەن قاشقىن شەنەۋنىكتەردى ەكستراديتسيالاۋ تۋرالى بەلسەندى كەلىسسوزدەر جۇرگىزۋدە.
