قازاقستان تەمىر جولىنىڭ جۇك اينالىمى 12 پايىزعا تومەندەدى
«مەن 2014 -جىلمەن سالىستىرعاندا جۇك اينالىمى تومەندەۋىنىڭ 12 پايىزدى قۇراعانىن ايتا الامىن. بۇل 2015 -جىلدىڭ سوڭىنداعى قولىمىزدا بار مالىمەت. ەڭ جوعارى قۇلدىراۋدى ءبىز ەكسپورتتىق باعىتتا ورىن الادى دەپ كۇتۋدەمىز. ول 25 پايىزدى قۇرايدى. بۇل تەمىر كەنى مەن كومىردى ەكسپورتتىق تاسىمالداۋدىڭ تومەندەۋىمەن بايلانىستى»، - دەدى ق ت ج باسشىسى.
ونىڭ اتاپ وتۋىنشە، جۇك اينالىمىنىڭ تومەندەۋى نەگىزىنەن قىتاي مەن رەسەي باعىتىندا بايقالىپ وتىر.
«قىتاي باعىتىندا ءبىز سوكولوۆ- سارىباي تاۋ- كەن بايىتۋ كومبيناتى ءونىمىنىڭ شامامەن 7 ميلليون تونناعا ازايۋىنان كورىپ وتىرمىز. كومىردىڭ دە رەسەي باعىتىندا تاسىمالدانۋ كولەمىنىڭ تومەندەۋى بايقالادى. سالاداعى جالپى احۋال وسىنداي. ءبىراق، بۇل جاعدايدا ءبىز وسىدان بىرنەشە جىل بۇرىن ترانزيتتىك تاسىمالدى دامىتۋدا تاڭداعان باعىتىمىزدىڭ دۇرىستىعىن تاعى ءبىر مارتە دالەلدەدىك»، - دەدى ا. مامين.
اۆتور: مارلان جيەمباي
