جارىلىس سالدارىنان پرەزيدەنت كۇزەتىنىڭ 12 قىزمەتكەرى قازا تاپتى

استانا. قازاقپارات - تۋنيس استاناسىنىڭ ورتالىعىندا اۆتوبۋس جارىلىپ، سالدارىنان 12 ادام قازا تاۋىپ، 16 ادام اۋىر جاراقات العان دەپ جازادى ت ا س س.

بۇل تۋرالى اقپارات قۇرالدارىنا ەل پرەزيدەنتىنىڭ باسپا ءسوز قىزمەتشىسى موەز سيانۋي حابارلاعان.

وقيعا ىشكى ىستەر جانە تۋريزم مينيسترىلىگى عيماراتىنا جاقىن جەردە بولدى.

«پرەزيدەنت كۇزەتىنىڭ قىزمەتكەرلەرىن تاسىمالدايتىن اۆتوبۋس جارىلىپ، 12 قىزمەتكەر وقيعا ورنىندا كوز جۇمدى.

ال، 16 ادام اۋىر حالدە اۋرۋحاناعا جەتكىزىلدى. قازىر ءىستىڭ ءمان-جايىن انىقتاۋ ماقساتىندا تەكسەرۋ جۇمىستارى جۇرگىزىلۋدە»، - دەيدى باسپا ءسوز حاتشىسى.

بەيرەسمي دەرەكتەرگە سۇيەنسەك، اۆتوبۋسقا جارىلعىش زاتتى تەرروريستىك ۇيىمداردىڭ لاڭكەستەرى ۇيىمداستىرعان.

BAQ.kz