قازاقستاندا 12 جىلدىق وقىتۋعا جاڭا وقۋلىقتار شىعارىلادى - ا. ءسارىنجىپوۆ

استانا. قازاقپارات - 12 جىلدىق وقىتۋ جۇيەسى ءبىرىنشى سىنىپتارعا 2017-2018 -جىلدارى ەنگىزىلەدى.

بۇل تۋرالى zakon.kz پورتالىندا وتكەن «مينيسترگە سۇراق قوي» اتتى ونلاين- كونفەرەنسيادا ق ر ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.

 «قازاقستاندا 12 جىلدىق ءبىلىم بەرۋگە تولىقتاي 2020-2021 وقۋ جىلدارىندا ەنگىزۋ جوسپارلانعان»، - دەيدى مينيستر.

ونىڭ سوزىنە قاراعاندا، 12 جىلدىق مەكتەپتىڭ وقۋشىلارى جاڭا پاندەردى وقيدى، ءۇش تىلدە ەركىن سويلەپ، كەڭ اۋقىمدى بىلىمگە يە بولادى.

«بۇل ءوز كەزەگىندە وقۋشىلارعا ءوز ءبىلىمىن ومىردە قولدانۋعا، ءومىردىڭ كەز كەلگەن جاعدايلارىندا باسەكەگە قابىلەتتى بولۋعا سەپتىگىن تيگىزەدى. وسىعان بايلانىستى وتاندىق جانە شەتەلدىك تاجىريبەلەردىڭ نەگىزىندە 12 جىلدىق ءبىلىم بەرۋگە جاڭا وقۋلىقتار شىعارىلادى»، - دەپ تۇيىندەدى ءسوزىن ا. ءسارىنجىپوۆ.

 اۆتور: جاسۇلان جولدىبايەۆ