وسى كۇزدە 12 مىڭنان استام قازاقستاندىق مەرزىمدى اسكەري قىزمەتكە شاقىرىلادى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
«شاقىرۋدى ۇيىمداستىرۋ جانە وتكىزۋمەن جەرگىلىكتى اسكەري باسقارۋ ورگاندارىمەن (اسكەري كوميسساريات) بىرلەسىپ جەرگىلىكتى اتقارۋ ورگاندارى (اكىمدىكتەر) اينالىسۋدا. شىلدە مەن قىركۇيەك ارالىعىندا شاقىرۋ كونتينگەنتىن زەردەلەۋ، شاقىرىلۋشىلارمەن، ولاردىڭ اتا- انالارىمەن، ولار وقىپ جۇرگەن جانە جۇمىس اتقارىپ جۇرگەن وقۋ ورىندارى، كاسىپورىن وكىلدەرىمەن جەكە اڭگىمەلەر جۇرگىزىلدى.
اسكەري بولىمدەر بويىنشا ىرىكتەۋ جانە ءبولۋ كەزىندە شاقىرىلۋعا دەيىنگى بولاشاق مەرزىمدى اسكەريلەردىڭ العان ماماندىقتارى، دەنساۋلىق جاعدايى، دەنە جانە مورالدىق- پسيحولوگيالىق دايىندىعى ەسكەرىلەدى. قوسىمشا مەديتسينالىق كۋالاندىرۋ، ياعني، ناركولوگيالىق تەستىلەۋ، گەپاتيت پەن تۋبەركۋلەزگە زەرتحانالىق زەرتتەۋ شارالارى كوزدەلگەن. اسكەري بولىمدەردى جاساقتاۋ ەكس اۋماقتىق جانە اۋماقتىق قاعيداتتار بويىنشا جۇزەگە اسىرىلادى. شاقىرۋ كامپانياسى بارىسىندا قازان مەن جەلتوقسان ارالىعىندا ارنايى «قاۋىرت جەلى» جۇمىس اتقاراتىن بولادى»، - دەپ جازىلعان حابارلامادا.
