08:10, 12 - قىركۇيەك 2015 | GMT +6
يسلام مەملەكەتىنىڭ 12 سودىرىنا ءولىم جازاسى كەسىلدى
استانا. قازاقپارات - مىسىرداعى ەش- شاركيا پروۆينتسياسىنىڭ سوتى سەنبى كۇنى لاڭكەستىك ارەكەت جاساعان يسلام مەملەكەتى ۇيىمىنىڭ 12 سودىرىن ءولىم جازاسىنا كەسۋ تۋرالى ۇكىمدى بەكىتتى، دەپ حابارلايدى ر ي ا نوۆوستي.
سوت لاڭكەستىك توپتىڭ 14 مۇشەسىنە قاتىستى ءىستى قارادى. ولار ەكسترەميستىك ارەكەتتەردى ناسيحاتتاپ، جاستاردى ي م لاگەرلەرىنەن ءوتۋ ءۇشىن سيرياعا جىبەرگەن. 12 ءولىم جازاسىنان باسقا، تاعى ەكى لاڭكەس 3 جىلدان باس بوستاندىعىنان ايىرىلدى.
ايتا كەتەيىك، 2013 -جىلى يسلامشىل پرەزيدەنت مۇحاممەد ءمۇرسي بيلىكتەن كەتكەن سوڭ مىسىردا جۇزدەگەن ءدىني ەكسترەميستەر ءولىم جازاسىنا كەسىلگەن.
يسلام مەملەكەتى - ءبىرقاتار ەلدە قىزمەتىنە تىيىم سالىنعان تەرروريستىك ۇيىم. ءۇش جىل ىشىندە لاڭكەستەر يراك پەن سيريانىڭ ءبىرقاتار جەرلەرىن باسىپ العان. ۇيىمنىڭ لاڭكەستىك ارەكەتتەرىنىڭ سالدارىنان ءجۇز مىڭداعان بەيبىت تۇرعىن كوز جۇمىپ، بىرنەشە ميلليون ادام بوسقىن بولدى.