استانا ءدىنارالىق سامميتى 12 جىل ىشىندە بىرەگەي جاھاندىق ديالوگ الاڭىنا اينالدى - ق. توقايەۆ
بۇل پىكىردى بۇگىن الەمدىك جانە ءداستۇرلى دىندەر كوشباسشىلارىنىڭ 5- سەزىنىڭ جالپى وتىرىسىندا ق ر پارلامەنتى سەناتىنىڭ ءتوراعاسى قاسىم-جومارت توقايەۆ ءبىلدىردى.
«12 جىلدىڭ ىشىندە استانا ءدىنارالىق سامميتى شىن مانىندە قازىرگى زاماننىڭ ىرگەلى ماسەلەلەرى كەڭىنەن جانە جان-جاقتى تالقىلاناتىن ، ادامزاتتىڭ تۇراقتى دامۋىنىڭ وڭتايلى مودەلى قاراستىرىلاتىن بىرەگەي جاھاندىق ديالوگ الاڭىنا اينالدى»، - دەپ اتاپ ءوتتى ول.
وسى رەتتە ق. توقايەۆ ەلباسى ن. نازاربايەۆتىڭ سەزد باستاماسىن كوتەرىپ، ونىڭ تابىستى قىزمەتىن قامتاماسىز ەتۋگە جانە وسى جىلدار بويىنا فورۋمعا وراسان زور قولداۋ كورسەتۋگە سىڭىرگەن ايرىقشا ەڭبەگىن اتاپ ءوتتى.
«بۇگىن وسى زالدا ءتۇرلى مەملەكەتتەر مەن ايماقتاردان ەل قايراتكەرلەرى، ساياساتكەرلەرى، قوعام قايراتكەرلەرى جانە عالىمدارى باس قوسىپ وتىر. بارشامىزدى ورتاق ماقسات-كۇللى عالامشار تۇرعىندارىنىڭ گۇلدەنۋى مەن وركەندەۋى جولىندا قاۋىپسىز جانە ۇيلەسىمدى الەم قۇرۋ ماقساتى بىرىكتىردى. بيىلعى فورۋم وسى يگى ماقساتتىڭ ورىندالۋىنا لايىقتى ۇلەس قوسادى دەپ سەنەمىن»، - دەدى سەنات ءتوراعاسى.
اۆتور: مارلان جيەمباي