تايلاندتا 12 ايعا جارامدى كوپ رەتتىك تۋريستىك ۆيزا ەنگىزىلمەك
مينيستر وتىز ەلدىڭ ەلشىلەرىنىڭ الدىندا ءوزىنىڭ ارنايى ۇيىمداستىرىلعان قابىلداۋىندا ءسوز سويلەدى.
«ءبىز التى ايعا جانە ون ەكى ايعا جارامدى كوپ رەتتىك تۋريستىك ۆيزالاردى قولدانىسقا ەنگىزۋ بويىنشا جۇمىستار ىستەپ جاتىرمىز. بۇل ۆيزالاردى اعىمداعى جىلدىڭ جەلتوقسان ايىندا بەرۋدى جوسپارلاپ وتىرمىز»، - دەپ ءمالىم ەتتى ديپلوماتتارعا ۆاتتحاناۆارانگكۋن.
ءوز سوزىندە ول سونداي-اق پحۋكەت جانە چيانگماي سياقتى تۋريستىك ايماقتارداعى بۇرىننان كەلە جاتقان تاكسي قىزمەتىنىڭ قىمبات بولۋى پروبلەماسىن كولىك مينيسترىگىمەن بىرلەسىپ شەشۋ باعدارلاماسى تۋرالى ايتىپ بەردى.
سونىمەن قاتار مينيستر بيىلعى جىلدىڭ سوڭىنا دەيىن تۋريستەردىڭ شاعىمدارىن قاراستىراتىن مامانداندىرىلعان سوتتاردىڭ سانى التىدان ون بەسكە دەيىن كوبەيەتىنىن حابارلادى.
تۋريزم مينيسترلىگىنىڭ باسشىسى شەتەلدىك ەلشىلەرگە تۋريستەردىڭ ەلدە جۇرگەن كەزدەگى قاۋىپسىزدىگىن قامتاماسىز ەتۋ بويىنشا شارالار تۋرالى جەتكىزدى.
ايتا كەتەيىك، بيىلعى جىلدىڭ قاڭتار ايىنىڭ باسىنان مامىرعا دەيىنگى ارالىقتا تايلاند 19 ميلليون شەتەلدىك تۋريستەردى قابىلدادى، بۇل وتكەن جىلدىڭ وسىنداي كەزەڭىمەن سالىستىرعاندا 16 پايىزعا كوپ، دەپ حابارلايدى ر ي ا نوۆوستي.