قازاقستاندىق قىزدار تايبەيدە ءوتىپ جاتقان بوكستان الەم چەمپيوناتىندا 12 مەدالدى جەڭىپ الدى

استانا. قازاقپارات - تايبەيدە ءوتىپ جاتقان چەمپيوناتتىڭ بەسىنشى كۇنىنىڭ قورىتىندىسى بويىنشا 12 مەدال جەڭىپ العان قازاقستان جالپى ەسەپتە ەكىنشى ورىندا تۇر. ال، جارتىلاي فينالعا 7 جاسوسپىرىم مەن جاستار كومانداسىنان 5 سپورتشى قىز شىقتى.

بۇل تۋرالى قازاقستاندىق بوكس فەدەراتسياسىنىڭ باسپا ءسوز قىزمەتىنەن حابارلادى.

 15 مەدالدى جەڭىپ العان رەسەي عانا قازاقستاننان وزىپ كەلەدى، بىزدەن كەيىنگى ورىندا 8 جۇلدە العان ا ق ش، ءارقايسىسىنىڭ 6 جۇلدەسى بار قىتاي، ءۇندىستان، تۇركيا، ۋكراينا ەلدەرى، 4 مەدالدى ەنشىلەگەن قىتايلىق تايبەي مەن يرلانديا بار. يتاليا، موڭعوليا، پولشا - 3 مەدال جەڭىپ السا، كحدر، ۆەنگريا، تايلاند - 2 جۇلدە، ازەربايجان، دومينيكان،  ۇلى بريتانيا، فرانسيا، گەرمانيا، گرەكيا، وڭتۇستىك كورەيا، كوسوۆو، شۆەتسيا جانە ۆەتنامنىڭ قانجىعاسىندا ءبىر- ءبىر مەدالدان بار.

 چەمپيوناتتان حابار تاراتاتىن سپورت تىلشىلەرى 2015 - جىلى قازاقستاننىڭ جاسوسپىرىمدەر اراسىنداعى چەمپيونى اتانعان ءجازيرا وراقبايەۆانىڭ (46 كەلى) بولگاريانىڭ ءۇش دۇركىن چەمپيونى، 2014 - جىلى ەۋروپا قۇرلىقتىق چەمپيوناتىنىڭ جۇلدەگەرى ەمي- ماري تودوروۆانى 2:1 ەسەبىمەن تىزە بۇكتىرگەن جەكپە- جەگىن 5-كۇننىڭ توسىن سيى دەپ اتادى.