استانا اۋداندارىنىڭ 12 اۋماعىنا سۋ باسۋ قاۋپى ءتونىپ تۇر - ەلوردا اكىمدىگى
بۇگىنگى تاڭدا قالانىڭ كوممۋنالدىق قىزمەتتەرى كۇشەيتىلگەن رەجيمدە جۇمىس اتقارۋدا.
بۇل تۋرالى استانا قالاسى اكىمدىگىنىڭ رەسمي سايتى حابارلادى.
استانا قالاسىنىڭ كوممۋنالدىق شارۋاشىلىق باسقارماسى ينفراقۇرىلىم ءبولىمىنىڭ جەتەكشىسى جاسۇلان بايجانوۆتىڭ حابارلاۋىنشا، سۋ باسۋ قاۋپى تونگەن 12 اۋماق: «ەسىل» اۋدانى بويىنشا سۋ باسقان اۋماقتار - تۇران داڭعىلى بويىنداعى 23، 27 № كوشەلەردىڭ قيىلىسىندا، دوستىق كوشەسىندە ورىنبور جانە قونايەۆ كوشەلەرىنىڭ قيىلىسىندا؛ «الماتى» اۋدانى بويىنشا - شارل دە گولل، گاستەللو كوشەلەرىندە، مومىش ۇلى داڭعىلىندا، اباي داڭعىلىندا («رامادا» قوناق ءۇيى اۋدانى)، پۋشكين كوشەسىندە (ۋنيۆەرسيتەت اۋماعى)، يمانوۆ جانە عابدۋللين كوشەلەرىنىڭ قيىلىسىندا، ءۋاليحانوۆ كوشەسىندە، كراۆتسوۆ كوشەسىنىڭ قيىلىسىندا؛ «سارىارقا» اۋدانى بويىنشا - 188- كوشەدە، كوپ قاباتتى مەملەكەتتىك باعدارلاما بويىنشا سالىنعان تۇرعىن ۇيلەر اۋماعىندا ورنالاسقان.
«الماتى» اۋدانىندا - 1 ءۇي، «سارىارقا» اۋدانىندا - 27 ءۇيدى سۋ باسقان. «كوكسەڭگىر كوشەسى، 29» مەكەنجايى بويىنشا ورنالاسقان جەكەمەنشىك ۇيدەن ەكى ادام «جىگەر» قوناق ۇيىنە كوشىرىلدى.
ەسكە سالا كەتەيىك، قازگيدرومەتتىڭ مالىمەتىنشە، ەلوردادا 38,5 م م جاۋىن جاۋعان. «استانا تازالىق» ج ش س 16- مامىردا 6469, 17- مامىردا 8409 كۇپ مەتر سۋ سوردى.
