12:49, 15 - مامىر 2015 | GMT +5
ماڭعىستاۋداعى «كاسپي» زاۋىتى تاۋلىگىنە 12 مىڭ تەكشە مەتر سۋ تۇشىتادى
استانا. قازاقپارات - «كاسپي» زاۋىتى تاۋلىگىنە 12 مىڭ تەكشە مەتر سۋ تۇشىتادى كاسىپورىن وتكەن جىلى بيزنەستىڭ الەۋمەتتىك جاۋاپكەرشىلىگىن دامىتۋ باعدارلاماسى اياسىندا قايتا ىسكە قوسىلعان.
ماڭعىستاۋ وبلىسى - اۋىزسۋعا تاپشى ايماق. سوندىقتان، تەڭىز سۋىن تۇشىتىپ، پايدالانۋدا كوممۋنالدىق كاسىپورىندار تولىمدى تىرلىكتەر اتقارىپ كەلەدى.
«كاسپي» زاۋىتى تاۋلىگىنە 12 مىڭ تەكشە مەتر سۋ تۇشىتادى. وسىلايشا، 120 مىڭ حالقى بار مۇنايلى اۋدانىن تىرشىلىك نارىمەن تولىقتاي قامتاماسىز ەتىپ وتىر. ۇزاق جىلدار توقتاپ قالعان كاسىپورىن وتكەن جىلى بيزنەستىڭ الەۋمەتتىك جاۋاپكەرشىلىگىن دامىتۋ باعدارلاماسى اياسىندا قايتا ىسكە قوسىلعان. جاقىندا زاۋىتتىڭ ەكىنشى بولىگىن جاڭعىرتۋ جۇمىستارى باستالادى.
