سەيسەنبى، ياعني 12- مامىر كۇنىنە ارنالعان اۋا رايى بولجامى

استانا. قازاقپارات - 12- مامىر كۇنى قازاقستان تەرريتورياسىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى، كەي جەرلەردە جاڭبىر جاۋىپ، نايزاعاي، جەلدىڭ كۇشەيۋى ساقتالادى.

رەسپۋبليكانىڭ سولتۇستىگىندە جانە سولتۇستىك-باتىسىندا جاۋىن-شاشىنسىز، تۇمان كۇتىلەدى. بۇل تۋرالى قازگيدرومەت حابارلادى.

الماتى، جامبىل، وڭتۇستىك قازاقستان، پاۆلودار، شىعىس قازاقستان وبلىستارىنىڭ كەي جەرلەرىندە نايزاعاي بولىپ، جەلدىڭ 15-20 م/س كۇشەيۋى كۇتىلەدى. قوستاناي ، سولتۇستىك قازاقستان وبلىستارىنىڭ كەي جەرلەرىندە تۇمان كۇتىلەدى. ماڭعىستاۋ، اتىراۋ وبلىستارىنىڭ كەي جەرلەرىندە نايزاعاي بولىپ، كۇندىز جەل 15-20 م/س كۇشەيەدى. قاراعاندى وبلىسىندا وبلىسىنىڭ كەي جەرلەرىندە تۇمان ءتۇسىپ، تۇندە جەلدىڭ كۇشى 15-20 م/س بولادى.

اقمولا وبلىسىنىڭ كەي جەرلەرىندە تۇندە جانە تاڭەرتەڭ تۇمان كۇتىلىپ، جەل 15-20 م/س كۇشەيەدى. قوستاناي، سولتۇستىك قازاقستان، پاۆلودار، اقمولا وبلىستارىنىڭ كەي جەرلەرىندە 0-5 گرادۋس سۋىق بولادى.