الەن دەلوننىڭ كولىگى كەمى 12 ميلليون ەۋروعا ساتىلماق

استانا. قازاقپارات - Artcurial اۋكتسيون ءۇيى پاريجدە سيرەك كەزدەسەتىن اۆتوموبيلدەردىڭ كوللەكسياسىن ساتىلىمعا قويادى. جالپى العاندا، ⅩⅩعاسىردىڭ باسىنان بەرى شىعارىلىپ، اتى اڭىزعا اينالعان 200 گە جۋىق اۆتوكولىك ۇسىنىلاتىن بولادى.

ەڭ قىمبات لوتتار اراسىندا Ferrari 250 GT SWB California Spider كولىگى بار. جالپى مۇنداي كولىكتىڭ 37 ءسى شىعارىلعان، ءبىراق فەرراريدىڭ جەكە الەن دەلونعا تيەسىلى مودەلى ساتىلىمعا قويىلادى.

ول بۇل ماشينانى كانن كينوفەستيۆالىندە «لەوپارد» فيلمىنە تۇسكەنى ءۇشىن ماراپاتتالعاننان كەيىن، 1963-جىلى ساتىپ العان. الەن دەلون بۇل اۆتوموبيلدى 1965-جىلى گولليۆۋدقا كينوعا ءتۇسۋ ءۇشىن ا ق ش-قا دا تاسىمالداعان.

Кhabar.kz حابارلاعانداي، لوتتىڭ سمەتالىق قۇنى 12 ميلليون ەۋروعا دەيىن جەتەدى.