08:50, 01 - قاراشا 2014 | GMT +5
سۋ باسىپ قالعان شاحتادا 12 كەنشى وپات بولدى
استانا. قازاقپارات - كولۋمبيا بيلىگى شاحتانى سۋ باسىپ قالۋى سالدارىنان كومىر شاحتاسىندا جۇمىس ىستەپ جاتقان 12 كەنشىنىڭ قازا تاپقانىن ايتتى، دەپ حابارلايدى Reuter.
وقيعا كولۋمبيانىڭ سولتۇستىك-باتىسىنداعى اماگا قالاسىندا شاحتادا ورىن العان. جاس شاماسى 23 پەن 55 جاس ارالىعىنداعى 12 ەر ادام اجال قۇشقان.
«ول كەنشىلەردىڭ امان قالۋى ەكىتالاي»، - دەيدى قالانىڭ قورشاعان ورتانى قورعاۋ جانە تاۋ-كەن ءىسى سالاسى باسقارماسىنىڭ باسشىسى كارلوس ۋسما.
ايتا كەتەيىك، كولۋمبيادا 14 مىڭنان استام شاحتا جۇمىس جاسايدى، ولاردىڭ جارتىسىنان كوبىنىڭ سايكەس رۇقساتتارى جوق.
