قازاقستاندا ينتەرنەت پايدالانۋشىلار سانى 12 ميلليونعا جەتتى

استانا. قازاقپارات - قازاقستاندا ينتەرنەت پايدالانۋشىلار سانى 12 ميلليونعا جەتتى. بۇل تۋرالى بۇگىن بىرىككەن ۇلتتار ۇيىمىنىڭ Global e-Government Forum-2014 فورۋمى بارىسىندا ق ر ينۆەستيتسيالار جانە دامۋ ءمينيسترى اسەت يسەكەشەۆ ءمالىم ەتتى.

«ۇكىمەت حالقىمىزدىڭ كومپيۋتەرلىك ساۋاتتىلىعىن ارتتىرۋ ءۇشىن بەلسەندى جۇمىستار جۇرگىزۋدە. قازىرگى ۋاقىتتا حالىق اراسىنداعى كومپيۋتەرلىك ساۋاتتىلىق دەڭگەيى شامامەن 63 پايىزعا جەتىپ وتىر. ينتەرنەت پايدالانۋشىلار سانى 12 ميلليونعا جەتتى، بۇل حالىقتىڭ 70 پايىزىن قۇرايدى»، - دەدى ءا. يسەكەشەۆ.

ءمينيستردىڭ اتاپ وتۋىنشە، ساندىق تەلەۆيدەنيەمەن حالىقتى قامتۋ كورسەتكىشى 51 پايىزعا جەتىپ وتىر. ال جىل سوڭىنا دەيىن بۇل كورسەتكىشتى 72 پايىزعا جەتكىزۋ جوسپاردا بار.

«2 جىلدىڭ ىشىندە ءبىز حالىقتى ساندىق تەلەۆيدەنيەمەن قامتۋ كورسەتكىشىن 95 پايىزعا جەتكىزەمىز»، - دەدى ول.

 اۆتور: مارلان جيەمباي