بيىلعى كۇزدە قارۋلى كۇشتەر قاتارىنا 12 مىڭنان استام جاس شاقىرىلماق
«1 - قازاندا قازاقستان قارۋلى كۇشتەرىنىڭ بولىمدەرى مەن قۇرامالارىن جاس بۋىنمەن جاساقتاۋ بويىنشا مەديسينالىق جانە شاقىرۋ كوميسسيالارى جۇمىسىن باستادى. بيىلعى كۇزدە ق ر قارۋلى كۇشتەرىنىڭ قاتارىنا 12 مىڭنان استام جاس شاقىرىلادى. اسكەري بولىمدەرگە ىرىكتەۋ جانە ءبولىپ تاراتۋ كەزىندە جاستاردىڭ اسكەر قاتارىنا شاقىرىلعانعا دەيىن العان ماماندىقتارى ەسكەرىلەتىن بولادى»، دەلىنگەن حابارلامادا.
سونداي- اق وندا كۇزگى اسكەر قاتارىنا شاقىرۋ «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭعا جانە مەملەكەت باسشىسىنىڭ ق ر ازاماتتارىن 2014 - جىلعى ءساۋىر- ماۋسىم جانە قازان- جەلتوقساندا مەرزىمدى اسكەري قىزمەتكە كەزەكتى شاقىرۋ تۋرالى جارلىعىنا سايكەس جۇرگىزىلەتىنى حابارلانعان.
مەرزىمدى اسكەري قىزمەت ساربازدارى ءۇشىن اسكەري بورىشتى وتەۋ مەرزىمى - 12 اي.
ەسكە سالا كەتەيىك، وتكەن جىلى قازاقستان اسكەرىنە 10 مىڭنان استام جاس سارباز الىنعان. بۇعان دەيىن 2016-جىلى قازاقستان اسكەرىنىڭ كاسىبي ارمياعا اينالاتىنى حابارلانعان ەدى. قورعانىس مينيسترلىگى الداعى ەكى جىلدا كاسىبي ارمياعا كوشۋدى اياقتاعالى وتىر. قازىر اسكەر ارالاس قاعيدا بويىنشا تولىقتىرىلىپ جاتىر. قارۋلى كۇشتەر قاتارىندا مەرزىمدى قىزمەت ساربازى دا، كەلىسىم-شارت بويىنشا قىزمەت ەتەتىن ساربازدار دا ءجۇر. قاتارداعى جانە سەرجانتتىق قۇرامنىڭ اسكەري قىزمەتشىلەرىنىڭ 65 پايىزى كەلىسىم-شارت بويىنشا قىزمەت ەتىپ جاتىر.
