05:12, 22 - شىلدە 2014 | GMT +5
گولوۆكين «گيل 12 راۋندقا شىداي المايدى» دەپ مالىمدەدى
استانا. قازاقپارات - ورتا سالماقتا WBA Super جانە IBO چەمپيونى گەننادي گولوۆكين كەلەسى قارسىلاسى اۋستراليالىق دەنيەل گيل 12 راۋند بويى اياعىندا تۇرا الادى دەگەنگە كۇماندانىپ وتىر، دەپ حابارلايدى Tofight.ru.
ەكى بوكسشىنىڭ اراسىنداعى جەكپە- جەك 27 - شىلدەدە تاڭەرتەڭ نيۋ-يورك قالاسىندا 20 مىڭ ورىندىق Madison Square Garden ارەناسىندا وتپەك. گەننادي گولوۆكيننىڭ ايتۋىنشا، بۇل كەزدەسۋ وعان سىناق بولماق.
"بۇل مەن ءۇشىن جاقسى سىناق، ءبىراق مەن ول 12 راۋندقا جالعاسادى دەپ ەسەپتەمەيمىن"، - دەدى گولوۆكين.
ەسكە سالايىق، 2008 - جىلدان بەرى قازاقستاندىق بوكسشىنىڭ الدىنا كەلگەن بىردە-ءبىر بوكسشى سوڭعى راۋندقا دەيىن جەتپەگەن. 29 جەكپە-جەكتىڭ 26-سى نوكاۋتپەن اياقتالدى.
گولوۆكين - گيل جەكپە-جەگىن قازاقستاندىق كورەرمەندەر KazSport پەن "قازاقستان" تەلەارنالارىنان تىكەلەي ەفيردە تاماشالاي الادى.
اۆتور: جاسۇلان جولدىبايەۆ
