شەتەل اسىپ بارا جاتقان ازاماتشا 12 مىڭ تەڭگە قارىزى ءۇشىن جولىنان كەيىن قايتارىلدى
ەڭبەكشىلدەر اۋدانىنىڭ تۇرعىنى ا. داۋرەنبەكوۆا ءبىر جىلدان استام ۋاقىت بويى اۋداندىق تەلەفون بايلانىسى تورابىنا قارىزىن تولەمەگەن.
ءتىپتى، ونى ءوندىرىپ الۋ سوتقا دەيىن جەتكەن. الايدا، ا. داۋرەنبەكوۆا وعان دا قۇلاق اسپاعان. سول سەبەپتى ەڭبەكشىلدەر اۋدانى اۋماقتىق ءبولىمىنىڭ اعا سوت ورىنداۋشىسى نۇرجان بايمۇرزين 15- ءساۋىر كۇنى بورىشكەردىڭ شەتەلگە شىعۋىنا تىيىم سالۋ جونىندە قاۋلى شىعارادى.
وسىنىڭ ارقاسىندا ا. داۋرەنبەكوۆا رەسەيدىڭ ومبى قالاسىنداعى ەمحانالاردىڭ بىرىندە ەم- دوم قابىلداپ جاتقان اناسىنا بارا جاتقان كەزدە موينىندا ۇزاق ۋاقىت بويى قوردالانىپ قالعان 12 مىڭ تەڭگە قارىزى ءۇشىن جولىنان كەيىن قايتارىلادى.
وسىلايشا ول ءبىر جىلدام استام ۋاقىت بويى كەيىنگە قالدىرىپ جۇرگەن قارىزىن وتەگەننەن سوڭ عانا شەتەلگە شىعۋعا مۇمكىندىك الدى.
اۆتور: اسلان وسپانوۆ
