استانادا شەتەلدىك كومپانيانىڭ سەنىمىنە كىرىپ 12 ميلليون دوللاردى ۇپتەپ كەتكەن الاياقتار سوتتالدى

استانا. قازاقپارات - استانا قالاسى الماتى اۋدانىنىڭ 2№ سوتى الاياقتىق جاساعان ەكى ازاماتتىڭ ءبىرىن 7 جىلعا، ەكىنشىسىن 4 جىلعا باس بوستاندىعىنان ايىرۋىپ، مۇلىكتەرىن تاركىلەۋ تۋرالى ۇكىم شىعاردى. بۇل تۋرالى قالالىق پروكۋراتۋرانىڭ باسپا ءسوز قىزمەتىنەن حابارلاندى.

«ازامات پ. مەن ي. الاياقتىقپەن الداۋ ماقساتىندا ءوزارا ءسوز بايلاسىپ، ءوندىرۋشى زاۋىتتان مىس جەتكىزۋ تۋرالى جالعان اقپاراتتى تاراتقان. ودان ارى، ازامات پ. ءتۇستى مەتالداردى جەتكىزۋ سالاسىندا قىزمەت ەتەتىن كوممەرتسيالىق كاسىپورىننىڭ جالعان ديرەكتورى بولىپ شىعا كەلەدى دە، ي ساتىپ الۋشىلاردى ىزدەۋ بويىنشا دەلدال بولىپ، ول ءوزىنىڭ تانىسى وڭتۇستىك كورەيا ازاماتىنا تومەن باعامەن مىس ساتاتىندىعىن حابارلاعان. ال وڭتۇستىك كورەيالىق ازامات الگىلەردىڭ قىلمىستىق پيعىلىنا كۇدىكتەنبەي فين كومپانياسىنىڭ وكىلىمەن تانىستىرعان.

كەيىننەن ازامات پ. سەرىكتەستىك ديرەكتورى رەتىندە فين كومپانياسىمەن 80 ميلليون ا ق ش دوللارىنا كاتود مىسىن جەتكىزۋگە كەلىسىمشارت جاساسىپ، شەتەلدىك ساتىپ الۋشىنى ءوز ارەكەتتەرىنىڭ زاڭدىلىعىنا سەندىرىپ، جاساندى جالعان كەپىل حاتىن جاساعان»، - دەلىنگەن باسپا ءسوز بايانىندا. كەيىننەن، جالعان كەپىل حاتىن العان شەتەلدىك كومپانيا الاياقتاردىڭ شوتىنا 12 ميلليون ا ق ش دوللارىن اۋدارا سالعان.

ال قىلمىسكەرلەر الگى اقشانى ءوز قاجەتتىلىكتەرىنە جۇمساپ، اۆتوكولىكتەر مەن جەر ۋچاسكەلەرىن ساتىپ الادى. دەگەنمەن، الاياقتار كوپ ۇزاماي قۇرىقتالىپ، ولاردىڭ مۇلكى تاركىلەنىپ، وزدەرى بوستاندىعىنان ايىرىلدى.

اۆتور: قانات مامەتقازى ۇلى