بوكستان «قازاقستان پرەزيدەنتىنىڭ كۋبوگى» حالىقارالىق تۋرنيرىنە 12 ەلدىڭ بوكسشى قاتىسۋدا- فوتو

الماتى. قازاقپارات - بۇگىن الماتىدا بالۋان شولاق اتىنداعى سپورت سارايىندا بوكستان ەرەسەكتەر اراسىندا «قازاقستان رەسپۋبليكاسى پرەزيدەنتىنىڭ كۋبوگى» IV حالىقارالىق تۋرنيرى باستالادى.
None
None

«قازاقستان كۇنى بۇگىنگە دەيىن تالاي حالىقارالىق دارەجەدە سپورتتىق شارالاردى وتكىزدى. بۇدان كەيىن دە وتكىزە بەرۋگە دايىن. مۇنىڭ بارلىعىنا ەلباسىمىزدىڭ ساليقالى ساياساتىنىڭ ارقاسىندا قول جەتكىزىلىپ وتىر.

 ال وسىمەن ءتورتىنشى رەت وتكىزىلىپ وتىرعان بۇگىنگى تۋرنير ەلىمىزدە ءداستۇرلى سپورت شاراسىنا اينالدى. سوندىقتان ول ەلىمىزدە وسى سپورت ءتۇرىنىڭ ودان ءارى دامۋىنا زور سەرپىن بەرەدى دەگەن سەنىمدەمىن. بوكسشىلارعا دەنساۋلىق جانە ساتتىلىك تىلەيمىن! جەڭىس مىقتىلاردىڭ مىقتىسىنا بۇيىرسىن! - دەدى ءوز سوزىندە ق ر سپورت جانە دەنە شىنىقتىرۋ اگەنتتىگىنىڭ ءتوراعاسى تاستانبەك ەسەنتايەۆ.

حالىقارالىق بوكس قاۋىمدىستىعى - ا ي ب ا- نىڭ قامقورلىعى اياسىندا وتەتىن بۇل تۋرنيرگە الەمنىڭ 12 ەلىنەن 106 بوكسشى قاتىسۋدا. ولار: ازەربايجان، يراك، كۋبا، قىرعىزستان، موڭعوليا، رەسەي، تاجىكستان، تايلاند، وزبەكستان، ۋكراينا، فيليپپين ەلىنىڭ جانە قازاقستاننىڭ بىلعارى قولعاپ شەبەرلەرى.

بەلگىلى بولعانىنداي، تۋرنيرگە شەتەلدەن كەلەتىن بوكسشىلار اراسىندا وليمپيادا چەمپيونى - روبەيسي راميرەز، الەم چەمپيوناتىنىڭ فيناليسى - اريسنوديۋس ديسپەين (كۋبا) ، الەم چەمپيوناتىنىڭ بىرنەشە دۇركىن جۇلدەگەرى - جاسۋربەك لاتيپوۆ (وزبەكستان) ، وليمپيادا ويىندارىنىڭ جانە الەم چەمپيوناتىنىڭ فيناليسى - تسۋتسگو نۋيامبايار (موڭعوليا) ، الەم چەمپيونى - گاۆيد چەلەبييەۆ بار. وكىنىشكە قاراي، وليمپيادا ويىندارىنىڭ جانە الەم چەمپيوناتىنىڭ جۇلدەگەرى - تەيمۋر ماممادوۆ (ازەربايجان) تۋرنيرگە كەلە المادى.

بوكستان قازاقستاننىڭ ۇلتتىق قۇراما كومانداسىنىڭ باس باپكەرى مىرزاعالي ايتجانوۆ تۋرنيرگە ەل اتىنان الەم چەمپيوندارى ءبىرجان جاقىپوۆ (49 ك گ) پەن ءىلياس سۇلەيمەنوۆ (52 ك گ) ، الەم چەمپيوناتىنىڭ قولا جۇلدەگەرلەرى قايرات ەراليەۆ (56 ك گ) جانە بەرىك ابدراحمانوۆ (60 ك گ) ، الەم چەمپيوندارى دانيار ەلەۋسىنوۆ (69 ك گ) پەن جانىبەك ءالىمحان ۇلى (75 ك گ) ، وليمپيادا ويىندارىنىڭ جانە الەم چەمپيوناتىنىڭ فيناليستەرى ادىلبەك نيازىمبەتوۆ (81 ك گ) جانە انتون پينچۋك (91 ك گ دەيىن) جانە سونىمەن قاتار الەم چەمپيوناتىنىڭ فيناليسى، وليمپيادا ويىندارىنىڭ قولا جۇلدەگەرى يۆان دىچكونىڭ (91 ك گ جوعارى) قاتىساتىندىعىن جەتكىزدى.

بۇعان دەيىن وسى تۋرنير تاريحىندا ءبىرجان جاقىپوۆ پەن يۆان دىچكو ەكى رەت التىننان القا تاقسا، سەرىك ساپيەۆ بۇل جەتىستىككە ءۇش رەت قول جەتكىزگەنى بەلگىلى.

بۇگىن 15 جەكپە- جەك وتكىزىلەدى. قازاقستان اتىنان جومارت ەرجان (49 ك گ) ، تەمىرتاس ءجۇسىپوۆ (49 ك گ) ، ءىلياس سۇلەيمەنوۆ (52 ك گ) ، ادىلەت قۇرمەتوۆ (52 ك گ) ، ەرلان تامەموۆ (52 ك گ) ، بەرىك ءابدىراحمانوۆ (60 ك گ) ، زاكىر سافيۋللين (60 ك گ) ، الماسبەك ورىنعاليەۆ (69 ك گ) جانە ادىلبەك نيازىمبەتوۆ (81 ك گ) شارشى الاڭعا شىعادى.

قازىر تۋرنير جالعاسۋدا.

2

3
4

5

6

سوڭعى جاڭالىقتار