16:13, 20 - ماۋسىم 2014 | GMT +5
ۇڭگىردە 12 كۇن جاتقان عالىم قۇتقارىلدى
استانا. قازاقپارات - گەرمانيادا ەلدەگى ەڭ تەرەڭ ريزەندينگ ۇڭگىرىنەن شىعا الماي جاتقان سپەلەولوگتى قۇتقارۋ وپەراسياسى ءساتتى اياقتالدى، دەپ جازادى 24.kz.
52 جاستاعى يوحانن ۆەستحاۋزەر جەر استىندا باس- اياعى 12 تاۋلىك تۇنەگەن.
ەستەرىڭىزگە سالا كەتەيىك، 8 - ماۋسىمدا عالىم ارىپتەستەرىمەن ۇڭگىرلەردى زەرتتەۋگە اتتانعان. الايدا ابايسىزدان باسىن تاسقا ۇرىپ الىپ، جارالانعان ول تەرەڭدىگى 1 شاقىرىمدىق ۇڭگىردەن ءوز بەتىمەن شىعا الماي قالادى. ونىڭ ۇستىنە ۇڭگىردىڭ قۇلامالى ەڭىستەرى مەن تارلىعى دا قيىندىق تۋدىرعان.
قۇتقارۋشىلار عالىمدى 3 دارىگەردىڭ باقىلاۋىمەن جەر بەتىنە جاتقان قالپىندا كوتەرىپ الىپ شىقتى. ونى قۇتقارۋ وپەراسياسىنا ءبىرقاتار ەۋروپالىق ەلدەردەن جۇزدەگەن ادام قاتىسقان. قازىر ول دارىگەرلەردىڭ قاتاڭ باقىلاۋىندا.
