16:09, 28 - مامىر 2014 | GMT +5
قازاقستاندىق ارنايى قىزمەتتىڭ قاتىسۋىمەن تاجىك- اۋعان شەكاراسىندا 12 توننا ەسىرتكى تاركىلەندى
استانا. قازاقپارات - ۇجىمدىق قاۋىپسىزدىك شارت ۇيىمىنا مۇشە 6 ەلدىڭ ەسىرتكىگە قارسى كۇرەس پوليتسياسى قىزمەتكەرلەرى ارنايى وپەراتسيا اياسىندا تاجىك- اۋعان شەكاراسىندا 12 توننا ەسىرتكى تاركىلەدى،
دەپ حابارلادى شەتەلدىك ب ا ق.
«وڭتۇستىك قاقپان» شارتتى اتاۋىمەن ۇيىمداستىرىلعان وپەراتسيا 5 كۇنگە جالعاستى. مۇنداي اۋقىمدى شارانى ۇ ق ش ۇ- نىڭ ەسىرتكىگە قارسى وپەراتسيا ورتالىعى العاش رەت بىرلەسە ۇيىمداستىرىپ وتىر. وعان قازاقستان، رەسەي، ارمەنيا، بەلارۋس، قىرعىزستان جانە تاجىكستان ارنايى قىزمەتتەرىنىڭ قىزمەتكەرلەرى قاتىستى. وپەراتسيا بارىسىندا 10 توننا اۋعان وپياتى، 900 كەلى گاشيش، 250 كەلى گەروين جانە شامامەن 700 كەلى ماريحۋانا تاركىلەندى.
اۆتور: مارلان جيەمباي
