21:56, 27 - ناۋرىز 2023 | GMT +5
سەمەيدە پسيحيكالىق دەنساۋلىق ورتالىعى قىزمەتكەرلەرىنە 128 ميلليون تەڭگە جالاقى تولەمەگەن
سەمەي. قازاقپارات - اباي وبلىسىنداعى مەديتسينالىق مەكەمە 600 دەن استام قىزمەتكەرىنە 128 ميلليون تەڭگە جالاقى تولەمەگەن، دەپ حابارلايدى قازاقپارات ءتىلشىسى.
وبلىستىق پسيحيكالىق دەنساۋلىق ورتالىعىنىڭ 646 قىزمەتكەرىنە جالاقى بەرەشەگى 128,1 ميلليون تەڭگەگە جەتكەن.
اباي وبلىستىق پروكۋراتۋراسى باسپا ءسوز قىزمەتىنىڭ مالىمەتىنە سۇيەنسەك، وسى ماسەلەنى دەرەۋ شەشۋ ماقساتىندا دەنساۋلىق ساقتاۋ باسقارماسى باسشىسىنىڭ اتىنا زاڭ بۇزۋشىلىقتاردى جويۋ تۋرالى ۇسىنىس ەنگىزىلدى.
سونداي-اق ورتالىقتىڭ باسشىلىعىمەن، ۇجىمىمەن جانە كاسىپوداق وكىلدەرىمەن كەزدەسۋ ۇيىمداستىرىلدى.
«سونىڭ ناتيجەسىندە، قازىرگى ۋاقىتتا پسيحيكالىق دەنساۋلىق ورتالىعىنىڭ مەديتسينا قىزمەتكەرلەرىنىڭ الدىنداعى جالاقى بويىنشا بەرەشەگى تولىعىمەن وتەلدى. وسى جىلدىڭ اقپان ايىنداعى جالاقى دا ۋاقتىلى بەرىلدى»، - دەلىنگەن اقپاراتتا.
اۆتور
تالعاتجان مۇحامەتبەك ۇلى
