12:59, 01 - ماۋسىم 2015 | GMT +6
ولگەن كيىكتەردىڭ سانى 127 مىڭنان استى - ا. مامىتبەكوۆ
استانا. قازاقپارات - قازاقستاندا قىرىلعان كيىكتەردىڭ سانى 127 مىڭنان استى.
بۇل تۋرالى بۇگىن و ك ق باسپا ءسوز ءماسليحاتىندا ق ر اۋىل شارۋاشىلىعى ءمينيسترى اسىلجان مامىتبەكوۆ ايتتى.
«ورىن العان وقيعانىڭ ءتۇرلى سەبەپتەرى قاراستىرىلىپ جاتىر. سونىڭ ىشىندە توپىراقتان، سۋدان، شوپتەن ۋلانۋ قاۋپى دە بار. ەندى ءبىز كيىكتەردىڭ بارلىق ءجۇرىپ وتكەن جەرلەرىن تەكسەرەمىز. ولاردىڭ ءورىس جولدارى بويىنشا ارنايى ەكسپەديتسيا جاساقتاپ، جىبەرۋدى جوسپارلاپ وتىرمىز. قازىرگى كەزدە كوپتەگەن كيىكتەردە ارنايى "چيپتەر" بار، سوندىقتان ولاردىڭ ءجۇرىپ وتكەن جولىن تابۋ وڭاي»، - دەدى ا. مامىتبەكوۆ.
ق ر ا ش م مالىمەتتەرى بويىنشا بۇگىنگى كۇندە جاپپاي قىرىلعان كيىكتەردىڭ سانى 127 مىڭعا جەتتى. بۇدان بۇرىن حابارلاعانىمىزداي، رەسمي دەرەك بويىنشا ولاردىڭ سانى 112475 بولعان.
اۆتور: ءابۋ-اسقار مەكەش ۇلى