قىتايدا جەر سىلكىنىسىنەن 126 عيمارات قيرادى

بەيجىڭ. قازاقپارات - قىتايدىڭ شىعىسىنداعى شاندۋڭ پروۆينسياسىندا 6-تامىز كۇنى بەيجىڭ ۋاقىتىمەن ساعات 02:33-تە 5,5 بالدىق جەر سىلكىنىسى بولىپ، 21 ادام زارداپ شەكتى.

بۇل تۋرالى پروۆينسيانىڭ توتەنشە جاعدايلار باسقارماسى حابار تاراتتى، دەپ حابارلايدى قازاقپارات ءتىلشىسى.

قىتاي سەيسمولوگيالىق ورتالىعىنىڭ مالىمەتى بويىنشا، شاندۋڭ پروۆينسياسىنىڭ دەجوۋ قالاسىنداعى پينگيۋان وكرۋگىندە بولعان ۇلكەن جەر سىلكىنىسىنەن كەيىن 50 دەن استام جەر سىلكىنىسى تىركەلدى.

بەيجىڭ ۋاقىتىمەن ساعات 8:00-دەگى جاعداي بويىنشا جەر سىلكىنىسى ايماعىندا 21 ادام جاراقات الدى، شامامەن 126 عيمارات قۇلادى.

جەكسەنبىدە شاندۋڭ پروۆينسياسىنداعى پويىزداردىڭ قوزعالىسى جەر سىلكىنىسىنەن كەيىن ءىشىنارا توقتاتىلدى. جەرگىلىكتى بيلىكتىڭ مالىمەتىنشە، بايلانىس جانە ەنەرگيامەن جابدىقتاۋ جۇيەلەرى ادەتتەگىدەي جۇمىس ىستەي بەرەدى.

پروۆينسيا بيلىگى شۇعىل ارەكەت ەتۋ شارالارىن باستادى. جەر سىلكىنگەن اۋماقتارعا ءورت-قۇتقارۋ جاساقتارى جىبەرىلدى.