انتاركتيدادا جىلىنا 126 مىڭ دوللار جالاقى تولەيتىن جۇمىس ورنى اشىلدى
جۇمىس بەرۋشى ۇمىتكەرىنە قانداي دا ءبىر تالاپ قويمايدى. ول ەشقانداي ارنايى نەمەسە كاسىبي داعدىلاردى قاجەت ەتپەيتىن ءارتۇرلى جۇمىستاردى ورىنداسا بولعانى. سونىڭ ارقاسىندا بولاشاق قىزمەتكەر جىلىنا 126 مىڭ دوللار اقشا تاپپاق.
جالاقىدان بولەك جۇمىسشىعا 40 مىڭ دوللار كولەمىندە ارنايى جاردەماقى بەرىلەدى. سونىمەن بىرگە ءبولىم قىزمكەتكەردىڭ تۇراتىن جەرى مەن تاماعىن ءوز موينىنا الادى.
ۇمىتكەر ىرىكتەۋدىڭ ەكى كەزەڭىنەن ءوتۋى كەرەك. ادامنىڭ ۇزاق جانە تۇراقتى ۇجىمدا بولا الاتىندىعىن انىقتاۋ ءۇشىن ەپتىلىك پەن سۇحبات سىناقتارىنا قاتىسادى.
اتالمىش ۆاكانسياعا كەز كەلگەن ادام ءوتىنىش بەرە الادى. اۆستراليانىڭ انتاركتيكالىق ءبولىمى قۇجاتتاردى 2020-جىلدىڭ 23- قاڭتارىنا دەيىن قابىلدايدى.
ايتا كەتسەك، نەمىس بيزنەسمەنى كارل رەيپەن ءزاۋلىم سارايىندا جالعىزسىراماۋ ءۇشىن وزىمەن بىرگە قىمبات ۆيللادا ءومىر سۇرگىسى كەلەتىن 10 ادام ىزدەستىرىپ جاتقانى حابارلاندى.
مۋلتيميلليونەر باعاسى 5,6 ميلليون دوللاردى قۇرايتىن ءۇي-جايىندا وزىمەن بىرگە تۇراتىن جاسى 70 تەن جوعارى ەمەس 10 ادام ىزدەپ، حابارلاما جازعان. ونىڭ جەكەجايىندا ءتىپتى، شاراپ شىعاراتىن شاعىن كاسىپورىن مەن اتقورا دا بار ەكەن.
بيزنەسمەننىڭ حابارلاماسىندا كورسەتىلگەندەي، ونىڭ قوناقتارىنا ءبىر ۇيگە ەكى ادامنان جايعاسۋلارىنا بولادى. كەشكى استا كەزدەسىپ، اڭگىمە-دۇكەن قۇرىپ، تەڭىزدى جانە ارالداعى وزگە دە قىزىقتاردى تاماشالاي الادى.
