17:55, 07 - مامىر 2015 | GMT +5
قىتايدىڭ سولتۇستىك-شىعىسىندا 126 ميلليون جىل بۇرىن ءومىر سۇرگەن دينوزاۆردىڭ سۇيەكتەرى تابىلدى
استانا. قازاقپارات - قىتاي ەلىنىڭ سولتۇستىك-شىعىسىنداعى لياونين پروۆينتسياسىندا 126 ميلليون جىل بۇرىن ءومىر سۇرگەن دينوزاۆردىڭ سۇيەكتەرى تابىلدى، دەپ حابارلادى سارسەنبى كۇنى جەرگىلىكتى بيلىك كوزدەرى.
پايدالى قازبالاردى قورعاۋ بويىنشا پروۆينتسيالىق باسقارمانىڭ ماماندارى چاويان قالاسى ماڭىنداعى اۋىلدان تابىلعان سۇيەكتەر بور كەزەڭىندە تىرشىلىك ەتكەن 15 مەترلىك زاۋروپود دينوزاۆرى ەكەنىن حابارلادى، دەپ جازادى شينحۋا.
تاريحتان بۇرىن ءومىر سۇرگەن تىرشىلىك يەسىن ءبىرىنشى بولىپ ەگىستىكتە جۇمىس ىستەپ جۇرگەن شارۋا تاپقان.
اتالعان باسقارمانىڭ باستىعى سۋن يۋنشاننىڭ ءمالىم ەتۋىنشە، ماماندار كوپ ۇزاماي قازبا جۇمىستارىنىڭ جوسپارىن جاسايدى، ونى جۇرگىزەتىن ارنايى توپ قۇرىلماق.
