استاناعا 125 جاڭا اۆتوبۋس اكەلىندى

استانا. قازاقپارات - ەلوردادا قوعامدىق كولىكتەردىڭ سانى ارتا ءتۇستى. قالاعا جاڭا اۆتوبۋستار اكەلىندى، دەپ حابارلايدى قازاقپارات ءتىلشىسى.
None

«ەلوردادا 6 اۆتوبۋس پاركى بار. ونىڭ 5 ەۋى - جەكەمەنشىك جانە 1 ەۋى - كوممۋنالدىق پارك. قوعامدىق كولىك 91 باعىتتا قاتىنايدى. ونىڭ 63 ءى قالا ىشىندە، قالعان 28 اۆتوبۋس قالا ماڭىنا جۇرەدى. كۇن سايىن جەلىدە 850 گە جۋىق اۆتوبۋس قىزمەت كورسەتەدى. 2022-2023-جىلدارى قوعامدىق كولىك قىزمەتىن جەتىلدىرە ءتۇسۋ ماقساتىندا جاڭا باعىتتا 4 (121№، 327، 328، 329) اۆتوبۋستار ىسكە قوسىلدى. سونىمەن قاتار، 44 باعىتتىڭ كەستەسى وزگەرتىلدى، Bus Lane 2 ۋچاسكەسى ەنگىزىلدى»، - دەدى كولىك جانە جول-كولىك ينفراقۇرىلىمىن دامىتۋ باسقارماسى باسشىسىنىڭ ورىنباسارى ەرجان ديحانبايەۆ ءماسليحاتتىڭ قوعامدىق كەڭەس وتىرىسىندا.

ونىڭ ايتۋىنشا، قالا مارشرۋتتارىنىڭ جۇمىس كەستەسى دە ۇلعايتىلدى.

«بۇگىندە ەلوردادا قوعامدىق كولىك تاپشىلىعى بار. بۇل ماسەلەنى شەشۋ ءۇشىن بيىل 400 اۆتوبۋس ساتىپ الىنادى، ونىڭ 125 ءى قالاعا اكەلىندى. 320 اۆتوبۋستى كوممۋنالدىق اۆتوپارك، ال 80 اۆتوبۋستى جەكە پاركتەر ساتىپ الادى. تاعى ءبىر ايتا كەتەتىن جايت، قالا حالقى سانىنىڭ ءوسۋىن ەسكەرسەك، جىل سايىن 100 اۆتوبۋس ساتىپ الۋ قاجەت»، - دەيدى سپيكەر.

سوڭعى جاڭالىقتار