كوروناۆيرۋس: الماتى وبلىسىندا ءبىر كۇندە 125 ادام اۋرۋحاناعا ءتۇستى
«19-قاراشاداعى بويىنشا وڭىردە 926 ادام ستاتسيوناردا ەمدەلىپ جاتىر. ءبىر تاۋلىكتە وڭىردەگى اۋرۋحانالارعا 125 ادام ءتۇستى. اۋرۋحانالارداعى توسەك ورىن سانى - 1895. توسەك-ورىن جۇكتەمەسى - 48,8 پايىزعا تولدى»، - دەلىنگەن الماتى وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ تاراتقان حابارلاماسىدا.
سونداي-اق، وتكەن تاۋلىكتە الماتى وبلىسىندا 57 ادام كوروناۆيرۋس جۇقتىرعانى پ ت ر ارقىلى راستالدى. سونىڭ ىشىندە تالدىقورعان قالاسىندا 17 جاعداي، الاكول جانە پانفيلوۆ اۋداندارىندا 6 جاعدايدان، ۇيعىر اۋدانىندا 5، سارقان جانە تالعار اۋداندارىندا 4 جاعدايدان، ەڭبەكشىقازاق اۋدانى مەن قاپشاعاي قالاسىندا 3 جاعدايدان، جامبىل جانە قاراتال اۋداندارىندا 2 جاعدايدان، اقسۋ، ەسكەلدى، قاراساي، كەربۇلاق جانە رايىمبەك اۋداندارىندا 1 جاعدايدان تىركەلدى.
وبلىستا 119 ادام COVID-19-دان ەمدەلىپ شىقتى. ءوڭىر «جاسىل» ايماقتا. ۆەدومستۆونىڭ اقپاراتىنا سايكەس، سوڭعى 3 كۇندە 8364 ادامنىڭ كوروناۆيرۋسقا تاپسىرعان سىناماسى زەرتحانالاردا تەكسەرىلگەن. الماتى وبلىسىندا كوروناۆيرۋس ۆاكسيناسىنىڭ 1-كومپونەنتىن العاندار سانى - 842624. سونىڭ ىشىندە وتكەن كۇنى ەكپە العاندار سانى - 1643. ەكپەنىڭ 2- كومپونەنتىن العاندار سانى 768162-كە جەتتى. سونىڭ ىشىندە وتكەن تاۋلىكتە ەكپە العاندار سانى 2357 ادام.
