استانادا مەكتەپ جاسىنداعى وقۋشىلاردىڭ سانى 125 مىڭ بالادان استى - ە. سۋحانبەرديەۆا

بۇل تۋرالى بۇگىن تامىز كونفەرەنسياسى بارىسىندا استانا قالالىق ءبىلىم بەرۋ باسقارماسىنىڭ باسشىسى ەلميرا سۋحانبەرديەۆا ءمالىم ەتتى.
«2015-2016 وقۋ جىلدارىندا استانا قالاسىندا مەكتەپكە باراتىن وقۋشىلاردىڭ سانى - 125 مىڭ بالا. 2014-2015 وقۋ جىلىندا 105 مىڭ وقۋشى وقىعان، بيىل مىنە 20 مىڭ بالاعا تولىعىپ وتىر»، - دەيدى بىلىم باسقارماسىنىڭ باسشىسى.
ونىڭ ايتۋىنشا، استاناعا قونىس اۋدارىپ جاتقان وتباسىلار كوپ، سوندىقتان، ءار جاز سايىن ەلوردا مەكتەپتەرى وزگە ايماقتاردان كەلگەن 5 مىڭعا جۋىق وقۋشىنى قابىلدايدى.
«5 مىڭ وقۋشى دەگەنىمىز - ەكى اۋىسىمدا بىلىم بەرەتىن ءۇش مەكتەپ. ياعني، جىل سايىن استانا قالاسىندا جاڭا ءۇش مەكتەپ سالىپ وتىرۋ كەرەك دەگەن ءسوز. 2015-2016 وقۋ جىلدارىنا ارناپ ءۇش مەكتەپ سالىندى. استانا قالاسىنداعى مەكتەپتەردىڭ بارلىعى وقۋلىقپەن تولىقتاي قامتىلعان»، - دەدى ول.
اۆتور: كەنجەكەي توقتامۇرات قىزى