بيىلعى ۇلتتىق ءبىرىڭعاي تەستىلەۋدەن بەس وقۋشى ەڭ جوعارى 125 بالل جينادى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ءبىلىم جانە عىلىم مينيسترلىگىنىڭ ءبىلىم بەرۋ مەن عىلىم سالاسىن قاداعالاۋ كوميتەتىنىڭ ءتوراعاسى سايات ءنۇسىپوۆ ءمالىم ەتتى.
ەڭ جوعارى 125 بالل جيناعاندار: تاراز قالاسىنداعى №45 قازاق كلاسسيكا گيمنازياسىنىڭ ءبىتىرۋشىسى ەردوسوۆا گۇلناز، استانا قالاسىنىڭ 59-مەكتەپ ليتسەيىنىڭ وقۋشىسى مۇستافينا ريانا، باتىس قازاقستان وبلىسى تەرەكتى اۋدانىنداعى «ءۇمىت» لينگۆيستيكالىق گيمانزياسىنىڭ سامات سىمبات، وڭتۇستىك قازاقستان وبلىسى تۇلكىباس اۋدانىنداعى ءۇش تىلدە وقىتاتىن دارىندى بالالارعا ارنالعان ارناۋلى مەكتەپ ينتەرناتىنىڭ وقۋشىسى ابدازيموۆا لاۋرا، الماتى قالاسىنداعى №9 ليتسەي وقۋشىسى ياكوۆلەۆا اناستاسيا. بىلتىر بۇنداي دارەجەگە جەتكەندەر سانى تورتەۋ بولاتىن.
«ايتا كەتەرلىگى 100 بالدان جوعارى العاندار تەستىلەۋگە قاتىسقان مەكتەپ بىتىرۋشىلەردىڭ جالپى سانىنىڭ 17,4 پايىزىن قۇراپ وتىر. ول بىلتىرعا قاراعاندا 2,4 پايىزعا ارتىپ، جالپى سانى 14 مىڭ 420 بالاعا جەتتى. سونىمەن قاتار، جوعارى وقۋ ورىندارىنا ءتۇسۋ ءۇشىن شەكتى بالدى ەڭسەرگەندەر سانى بەس پايىزعا ءوستى. بۇل كورسەتكىش 2014 -جىلى -77 پايىز بولسا، 2015 -جىلى 82 پايىزعا جەتىپ وتىر»، - دەدى س. ءنۇسىپوۆ.
اۆتور: قانات مامەتقازى ۇلى
