00:01, 03 - جەلتوقسان 2014 | GMT +6
جۇسىپبەك ايماۋىتوۆتىڭ تۋعانىنا - 125 جىل
استانا. قازاقپارات - استانادا قازاق پروزاسى مەن دراماتۋرگياسىنىڭ نەگىزىن قالاۋشى، الاش ارىستارىنىڭ ءبىرى جۇسىپبەك ايماۋىتوۆتىڭ تۋعانىنا 125 جىل تولۋىنا وراي سالتاناتتى شارا ءوتتى.
ادەبي جيىنعا جازۋشىنىڭ نەمەرەسى مەن شىعارماشىلىعىن زەرتتەپ جۇرگەن عالىمدار قاتىستى. «قارتقوجا»، «اقبىلەك» سىندى روماندارىن جازىپ قالدىرعان بىرەگەي تۇلعا از عانا عۇمىرىندا ادەبيەتتىڭ ءارتۇرلى جانرلارىندا ءونىمدى ەڭبەك ەتتى.
جۇسىپبەك ايماۋىتوۆ قالامىنان تۋعان مۇرالاردىڭ قاي-قايسىسى دا ونىڭ كەسەك دارىن يەسى ەكەندىگىنىڭ، جالتاقسىز ۇلتجاندىلىعىنىڭ جارقىن ايعاعى بولىپ تابىلادى. سوندىقتان شىعارمالارىن جان-جاقتى زەرتتەۋ - جاس ۇرپاققا جەتكىزۋ ماڭىزدى ءىس. بۇل - جيىنعا قاتىسۋشىلاردىڭ پىكىرى. بۇدان بولەك، قوناقتار نازارىنا جازۋشىنىڭ كىتاپتارى جيناقتالعان كورمە ۇسىنىلدى.
24.kz
